काठमाडौं (हाम्रो खेलकुद) – भारतको सिक्किममा जारी कन्चनजंगा शिल्ड ए डिभिजन क्रिकेट सुपर लिगको दोस्रो खेलमा नेपाल पुलिस क्लबले रोयल नर्थ ब्रोदर्शलाई ९ विकेटले पराजित गर्दै लगातार दोस्रो जित निकालेको छ । जितको लागि १ सय २५ रनको सामान्य विजयी लक्ष्य पछ्याएको पुलिसले १६.५ ओभरमा १ विकेट गुमाउँदै पूरा गर्यो ।

ओपनर दीलिप नाथ ५७ बलमा ६ चौका र ४ छक्का सहित सर्वाधिक ६२ रनको योगदान दिए । अमित श्रेष्ठ ४१ बलमा ६ चौका र २ छक्का सहित ५१ रनको योगदान दिए । पहिलो विकेटका लागि ओपनर तथा विकेटकिपर दीलिप नाथ र अमित श्रेष्ठले १५.५ ओभरमा १ सय १० रनको उत्कृष्ट शतकीय साझेदारी गर्दै टोलीलाई सानदार जित दिलाएका थिए । कप्तान मञ्जित श्रेष्ठ ८ रनमा अविजित रहे ।

त्यसअघि सिक्किम क्रिकेट ग्राउन्ड रङ्पोमा पहिला ब्याटिङ थालेको रोयल नर्थ ३५।३ ओभरमा १ सय २४ रनमा अल आउट भएको थियो। कप्तान मञ्जितले ५९ बलमा ५ चौका र ३ छक्का सहित ५६ रनको योगदान दिए । मञ्जितलाई प्रेम तामाङले विकेटकिपर दीलिपनाथबाट क्याच आउट गराएका थिए । मञ्जित बाहेक अन्यले राम्रो प्रदर्शन गर्न सकेनन् । कर्मा १४, विशाल तामाङ १५ र रिनजिन भुतिल ११ रनमा आउट भए । ओपनर विनारायण नायर ५, जेम्श लाक्पा १ र किशन कार्की शून्यमा आउट भए । पुलिसका स्पिनर अनिल खरेलले ८ ओभरमा ३ मेडन राख्दै २२ रन खर्चेर ३ विकेट लिए । सिद्धान्त लोहनीले १।३ ओभरमा ८ रन खर्चेर २ विकेट लिए । गुलशन झा, राशिद खान, मञ्जित श्रेष्ठ र प्रेम तामाङल १-१ विकेट लिए

पहिलो खेलमा पुलिसले ह्वाइट कन्च क्रिकेट क्लब (डब्लूसिसिसीं लाई १० विकेटले पराजित गर्दै सानदार विजयी सुरुवात गरेको थियो । सिक्किम क्रिकेट एसोसिएसनले आयोजना गरि रहेको यस प्रतियोगितामा नेपाल समूह ए मा रहेको छ । नेपाल आमन्त्रिण टोलीको रुपमा खेलि रहेको छ ।