3 years ago
April 10, 2021
एजेन्सी – ओपनर पृथ्वी शा र शिखर धवनको उत्कृष्ट प्रदर्शनमा दिल्ली क्यापिटल्सले इन्डियन प्रिमियर लिग (आइपिएल) २०२१ मा सानदार विजयी सुरुवात गरेको छ ।
शनिवार चेन्नई सुपर किंग्सलाई ७ विकेटले पराजित गर्दै दिल्लीले सानदार विजयी सुरुवात गरेको हो । जितको लागि १ सय ८९ रनको विजयी लक्ष्य विजयी पछ्याएको दिल्लीले १८.४ ओभरमा ३ विकेट गुमाउँदै पूरा गर्यो । दिल्लीका ओपनर शिखर धवनले ५४ बलमा १० चौका र २ छक्का सहित सर्वाधिक ८५ रनको योगदान दिए । पृथ्वी शाले ३८ बलमा ९ चौका र ३ छक्का सहित ७२ रनमा आउट भए । ऋषभ पन्त १४ रनमा अविजित रहे । मार्कस स्टोइनिस १४ रनमा आउट भए ।
पहिलो विकेटका धवन र पृथ्वी शाले १३.३ ओभरमा १ सय ३८ रनको उत्कृष्ट शतकीय साझेदारी गर्दै दिल्लीलाई सहज जित नजिक पुर्याएका थिए । ड्वेन ब्राभोले मोईन अलीबाट क्याच गराउँदै साझेदारी तोडेका थिए । चेन्नईका शार्दूल ठाकुरले सर्वाधिक २ विकेट लिए । ड्वेन ब्रोभो १ विकेट लिए ।
त्यसअघि वानखडे स्टेडियम मुम्बईमा टस हारेर पहिला ब्याटिङ थालेको चेन्नईले निर्धारित २० ओभरमा ७ विकेट गुमाउँदै १ सय ८८ रन । आठौं नम्बरमा ब्याटिङ गरेका साम करनले १५ बलमा ४ चौका र २ छक्का सहित ३४ रन जोड्दै उत्कृष्ट अन्त्य गरे । रविन्द्र जडेजा १७ बलमा ३ चौका सहित २६ रनमा अविजित रहे । सातौं विकेटका लागि साम करन र जडेजाले २८ बलमा ५१ रनको साझेदारी गरेका थिए ।
चेन्नईका सुरेश रैनाले ३६ बलमा ३ चौका र ४ छक्का सहित सर्वाधिक ५६ रनको योगदान दिए । रैनाले ३२ बलमा अर्धशतक पूरा गर्दै आइपिएलमा पूनरागमन गरेका थिए । गत सिजन रैनाले ब्यक्तिगत कारण खेलेका थिएनन् । दोस्रो ओभरको चौथो बलमा ओपनर फाफ डु प्लेसिसलाई आवेश खानले शून्यमा एलबिडब्लू आउट गरेका थिए । तेस्रो ओभरको पहिलो बलमा क्रिस वोक्सले अर्का ओपनर ऋतुराज गायकवाडलाई ५ रनमा शिखर धवनबाट क्याच आउट गराए ।
दुबै ओपनर सस्तैमा आउट भएपनि तेस्रो विकेटका लागि सुरेश रैना र मोइन अलीले ५३ रनको महत्वपूर्ण साझेदारी इनिङ उकासेका थिए । आक्रामक ब्याटिङ गरेका अली २४ बलमा ४ चौका र २ छक्का सहित ३६ रनमा धवनबाट क्याच आउट हुन पुगे । चौथो विकेटका लागि रैनाले अम्बाती रायुडूसँग मिलेर ३३ बलमा ६३ रनको साझेदारी गरेका थिए । १४ औं ओभरको पाँचौं बलमा टम करनले रायुडूलाई २३ रनमा धवनबाट क्याच आउट गराए । रायुडूले १६ बलमा १ चौका र २ छक्का प्रहार गरे ।
रैन १६ औं ओभरको पहिलो बलमा रन आउट हुन पुगे । रनै आउट भएको एक बलपछि आवेश खानले महेन्द्रसिंह धोनीलाई शून्यमा बोल्ड आउट गरे ।आवेश खानले ४ ओभरमा २३ रन खर्चेर २ विकेट लिए । क्रिस वोक्सले ३ ओभरमा १८ रन खर्चेर २ विकेट लिए । रविचन्द्रन आश्विन र टम करनले १-१ विकेट लिए ।
May 6, 2024
काठमाडौं (हाम्रो खेलकुद)– जयकुमारनाथ स्मृति यु १६ अन्तर स्कुल क्रिकेट प्रतियोगितामा सोमबार डिएभी स्कुबलले ग्यालेक्सीलाई ५५ रनले हारएको छ । १ सय १८ रनको विजय लक्ष्य पछ्याएको ग्यालेक्सीले १७.२ ओभरमा सबै विकेट गुमाउँदै ६२ रन मात्र बनाउन सक्यो । ग्यालेक्सका लागि दीपेश गुप्ताले सबैभन्दा बढी ३० रन बनाए । अभय मगरले ७ र अतिफ खानले […]
May 6, 2024
काठमाडौं (हाम्रो खेलकुद) – आइसीसी टि२० विश्वकप २०२४ खेल्नका लागि नेपाली राष्ट्रिय पुरुष क्रिकेट टोली अमेरिका पुगेको छ । विश्वकपको तयारीका लागि नेपाली टोली एक महिनाअगावै अमेरिका प्रस्थान गरेको हो । नेपालबाट प्रस्थान गर्ने विमानमा बिजनेस क्लास टिकट अभाव भएपछि दुई समूहमा टोली नेपालबाट प्रस्थान गरेको थियो । शनिबार राती प्रस्थान गरेको पहिलो समूह फ्लोरिडा […]
May 6, 2024
एजेन्सी – कोलकाता नाइट राइडर्स आइतबार लखनउ सुपर जाइन्ट्सलाई ९८ ले हराउँदै इन्डियन प्रिमियर लिग (आइपिएल) को शीर्ष स्थानमा उक्लिएको छ। कोलकाताको ११ खेलबाट १६ अंक पुगेको छ। समान अंकसहित दोस्रो स्थानमा रहेको राजस्थान रोयल्सले एक खेल कम खेलेको छ। लखनउ १२ अंकका साथ पाँचौं स्थानमा छ। २ सय ३६ रनको लक्ष्य पछ्याएको लखनउलाई १६.१ […]