काठमाडौं (हाम्रो खेलकुद) – शीर्षक्रमका ब्याट्सम्यानले संयमित ब्याटिङ गरेपछि नेदरल्यान्ड्सले त्रिकोणात्मक टि२० सिरिज अन्तर्गत मलेसियाविरुद्ध खेलमा सुदृढ सुरुवात गरेको छ ।

खेलको १० ओभर सकिँदा नेदरल्यान्ड्स २ विकेट गुमाउँदै ७६ रनको स्थितिमा छ । म्याक्स ओ’डाउड २७ बलमा ३४ रन जोड्दै क्रिजमा जमिरहेका छन् । उनले ४ चौका प्रहार गरेका छन् । उनलाई क्रिजमा बेन कुपरले १ चौकासहित ६ बलमा ७ रन जोडेर साथ दिएका छन् ।

ओपनर ओ’डाउड र स्कट एडवार्ड्सले दोस्रो विकेटका लागि बलियो साझेदारी गर्दै राम्रो अवस्थामा पुर्याएका हुन् । तेस्रो ओभरमा नै टोबियास भिसलाई पवनदीप सिंहले १ रनमा बोल्ड गरेका थिए । त्यसपछि ओ’डाउड र एडवार्ड्सले ३८ बलमा ४९ रनको साझेदारी गरे ।

एडवार्ड्स २३ बलमा ३१ रन जोड्दै अनवर रहमानको एलबीडब्लू धरापमा परे । उनले ३ चौका र १ छक्का प्रहार गरेका थिए ।

नेदरल्यान्ड्सको टोली : पिटार सीलार (कप्तान), टोबियस भिसे, बेन कुपर, म्याक्स ओडिवड, बास डी लीडे, स्कर्ट एडवार्डस, आर्यन दत्त, फिलिपे बोइससेवेन, भिभिन किंगमा, टोनी स्टल, सेबस्टियान ब्राट

मलेसियाको टोली : अहमद फेज, विरनदिप सिंह, अमिनुदीन राम्ली, अनवर अरुदीन, अनवर रहमान, खिजार हायत, मुहमद वाफिक, शर्विन मुनींदी, पवनदीप सिंह, शफिक सरिफ, सायद अजिज