काठमाडौं(हाम्रो खेलकुद) – राष्ट्रिय क्रिकेट टोलीका लेग स्पिनर सन्दीप लामिछानेले टियु क्रिकेट मैदानमा जारी त्रिकोणात्मक टि२० आई सिरिजमा विहिबार मलेसियासँग खेल्दै ऐतिहासिक एक सयौं खेल खेलेका छन् ।

नेपालले मलेसियालाई ६९ रनले पराजित गर्दा सन्दीपले ३ विकेट लिदै आफ्नो टि२० खेल खेले । सन्दीप नेपालबाट टि२० सयौं खेल खेल्ने पहिलो खेलाडी हुन् । सन्दीपले सन् २०१८ मा इन्डियन प्रिमियर लिग (आइपिएल) बाट टि२० क्रिकेट खेल्न सुरु गरेका थिए । दिल्ली क्यापिटल्सबाट रोयल च्यालेन्जर्स बेंगलोरविरुद्ध मे १२ मा डेब्यू गर्दै पहिलो टि२० खेलेका सन्दीपले त्यसयता लगातार क्रिकेट खेल्दै आएका छन् । सन्दीपले टि२० आईमा विश्व ११ बाट वेस्टइन्डिजविरुद्ध २०१८ मे ३१ मा टि२० आईमा डेब्यू गरेका थिए ।

सन्दीप आफ्नो देशबाट नभएर संयुक्त टोलीबाट टि२०आई डेब्यू गर्ने पहिलो खेलाडी समेत हुन् । सन्दीपले नेपालबाट हालसम्म २४, विश्व ११ बाट एक र टेष्ट देशको फ्रेन्चाइज लिगमा कुल ७५ गरि कुल सयौं खेल पूरा गरेका हुन् । सन्दीपपछि नेपालबाट सर्वाधिक पूर्व कप्तान पारस खड्काले ५६ टि२० खेल खेलेका छन् । नेपालको लागि २० खेल जुन सर्वाधिक हो । त्यस्तै ज्ञानेन्द्र मल्ल ५४, विनोद भण्डारी ४७, वसन्त रेग्मी र शरद भेषावकरले ४०–४० खेल खेलेका छन् ।

यी हुन् सन्दीपले खेलेका एक सयौं खेल र लिएका १ सय ३६ विकेट

इन्डियन प्रिमियर लिग २०१८ : ३ खेल – ५ विकेट

क्यारेबिन प्रिमियर लिग २०१८ : ५ खेल – ७ विकेट

अफगानिस्तान प्रिमियर लिग २०१८ : १ खेल – २ विकेट

बिग ब्यास लिग २०१८/१९ : ८ खेल – ११ विकेट

बंगलादेश प्रिमियर लिग २०१८-१९ : ६ खेल – ४ विकेट

पाकिस्तान सुपर लिग २०१९ : ७ खेल – ११ विकेट

आईपीएल २०१९ : ६ खेल – ८ विकेट

क्वारेबिन प्रिमियर लिग २०१९ : ६ खेल – ८ विकेट

बिग ब्यास लिग २०१९/२० : १३ – १५ विकेट

बिग ब्यास २०२०र२१ : ८ खेल – ८ विकेट

सिपिएल २०२० : ११ खेल – १२ विकेट

नेपाली राष्ट्रिय टोलीबाट टि ट्वान्टी आई : २४ खेल, विश्व ११ बाट १ गरि कुल खेल २५ : ४५ विकेट ( विश्व ११ वा विकेट विहिन)