default_image

3 years ago

April 24, 2021

त्रिकोणात्मक टि२० फाइनल : नेपालले पहिला ब्याटिङ गर्दै

काठमाडौं (हाम्रो खेलकुद) – त्रिकोणात्मक टि२० आई सिरिजको फाइनलमा आज घरेलु टोली नेपालले नेदरल्यान्ड्सविरुद्ध पहिला ब्याटिङ गर्ने भएको छ । टियु क्रिकेट मैदानमा नेदरल्यान्ड्सका कप्तान पिटर शिलारले टस जितेर पहिला बलिङ गर्ने निर्णय लिएका छन् । नेपालले आज चार तीव्र गतिका बलर खेलाएको छ । स्पिनर सुशन भारीको स्थानमा अभिनाश बोहरालाई खेलाएको छ । मलेसियाविरुद्ध […]

69 views

0 Bookmark

काठमाडौं (हाम्रो खेलकुद) – त्रिकोणात्मक टि२० आई सिरिजको फाइनलमा आज घरेलु टोली नेपालले नेदरल्यान्ड्सविरुद्ध पहिला ब्याटिङ गर्ने भएको छ । टियु क्रिकेट मैदानमा नेदरल्यान्ड्सका कप्तान पिटर शिलारले टस जितेर पहिला बलिङ गर्ने निर्णय लिएका छन् ।

नेपालले आज चार तीव्र गतिका बलर खेलाएको छ । स्पिनर सुशन भारीको स्थानमा अभिनाश बोहरालाई खेलाएको छ । मलेसियाविरुद्ध डेब्यू गर्दै ३ विकेट लिएका कमलसिंह ऐरीलाई निरन्तरता दिएको छ । अभिनाश, कमल, सोमपाल कामी र करण केसी गरि चार तीव्र गतिका बलर खेलाएको छ । स्पिनर एक मात्र खेल खेलाएको छ ।

नेपाल ११ वर्षपछि घरेलु मैदानमा उपाधि जित्ने सोचमा छ । नेपालले पछिल्लो समय टियु मैदानमा सन् २०१० मा अमेरिकालाई हराउँदै आइसिसी डिभिजन ५ को उपाधि जितेको थियो । नेपालले पछिल्लो पटक सिरिज सन् २०१९ को जुलाईमा मलेसियासँग दुई टि२० खेलमा क्लिनस्विप गरेको थियो । सन् २०१९ को सुरुवातमै यूएईसँग तीन ओडिआई तथा टि२० आई सिरिज समान २–१ ले जितेको थियो । नेपालले हालसम्म त्रिकोणात्मक सिरिज भने जितेको छैन । पहिलो त्रिकोणात्मक सिरिज जित्ने सोचमा छ ।

नेपाल र नेदरल्यान्ड्सबीच ८ टि २० आई खेल भएको छ । नेदरल्यान्ड्स ४ खेलमा विजयी हुँदा ३ खेलमा पराजित भएको छ । एक खेल वर्षाको कारण रद्ध भएको छ ।डबल राउन्ड रोविनको आधारमा भएको त्रिकोणात्मक सिरिजमा नेपाल ४ खेलमा ३ मा जित र १ मा हार सहित ६ अंकका साथ शीर्ष स्थानमा थियो । नेदरल्यान्ड्स ४ खेलमा २ मा जित, १ मा हार र १ मा बराबरीका साथ ५ अंक जोड्दै दोस्रो स्थानमा रहेर फाइनल खेल्न लागेको हो । मलेसिया ४ खेलमा पुछारमा रहँदै बाहिरिएको थियो । नेपालले नेदरल्यान्ड्सलाई पहिलो खेलमा ९ विकेटले हराएको थियो । दोस्रो खेलमा नेपाल ३ विकेटले पराजित भएको थियो । तीन विकेटले पराजित हुनेक्रममा २ सय ६ रन बनाएपनि नेदरल्यान्ड्सले तीन बल अगाडि ७ विकेटको क्षतिमा पूरा गर्दै सानदार जित निकालेको थियो ।

नेपालको प्लेइङ ११ : ज्ञानेन्द्र मल्ल (कप्तान), आसिफ शेख, कुशल भुर्तेल, दीपेन्द्रसिंह ऐरी, विनोद भण्डारी, कुशल मल्ल, सोमपाल कामी, करण केसी, अभिनाश बोहरा, सन्दीप लामिछाने र कमलसिंह ऐरी ।

नेदरल्यान्ड्सको प्लेइङ ११ : पिटार सीलार (कप्तान), बेन कुपर, टोबियस भिसे, म्याक्स ओडिवड, बास डी लिड, स्कर्ट एडवार्डस, फिलिपे बोइससेवेन, पल भान मीकेरन, भिभिन किंगमा, सेबस्टियान ब्राट र एन्टोनियस स्टाल ।

March 29, 2024

इण्डो–नेपाल टि ट्वान्टीको सेमिफाइनल समीकरण पूरा

चितवन (हाम्रो खेलकुद)- चितवनको भरतपुरमा जारी इण्डो–नेपाल टि ट्वान्टी च्याम्पियनसिप क्रिकेट प्रतियोगिताको सेमिफाइनल समीकरण पूरा भएको छ । गौतमबुद्ध अन्तर्राष्ट्रिय क्रिकेट रंगशालाको नमुना मैदानमा बिहीबार भएका लिग चरणका अन्तिम खेलमा विजयी हुँदै मधेश प्रदेश र सुदूरपश्चिम प्रदेशले सेमिफाइनलमा स्थान पक्का गरेका हुन् । सबै खेलमा जित निकाल्दै ८ अंकका साथ पिएसआरए ग्रुप लखनउ समूह विजेता […]

March 28, 2024

राजस्थानको लगातार दोस्रो जित

एजेन्सी – दिल्ली क्यापिटल्स माथि जित दर्ता गर्दै राजस्थान रोयल्सले १७औं संस्करणको इंडियन प्रिमियर लिग (आईपिएल) मा लगातार दोस्रो जित दर्ता गरेको छ । दिल्लीलाई लगातार दोस्रो हार चखाउने क्रममा राजस्थानले १२ रनको जित दर्ता गरेको हो । १८६ रनको लक्ष्य पछ्याएको दिल्लीले २० ओभरमा ५ विकेट गुमाएर १८५ रन मात्र बनाउन सक्यो । अन्तिम […]

March 28, 2024

सिइसी र धनगढी विजयी

सुमन अधिकारी,बुटवल नेपालका पूर्व अन्तराष्ट्रिय क्रिकेट खेलाडी शक्ति प्रसाद गौचनले बुबाको नामबाट आयोजना रुपन्देहीमा जारी छैंटौं खड्ग प्रसाद गौचन मेमोरियल यु—१९ क्रिकेट प्रतियोगिता–२०८० मा बिहीबार समुह बिका २ खेल सम्पन्न भएका छन् । जसमा पल्सर क्रिकेट एक्सलेन्स सेन्टर (सिइसी) , काठमाण्डौ र धनगढी क्रिकेट क्लब विजयी भएका छन् । पहिलो खेलमा पल्सर सिइसी काठमाण्डौले सेन्टर […]

Success

Thank you for your time.