एजेन्सी – इन्डियन प्रिमियर लिग (आइपिएल) २०२१ को १९ औं खेलमा रोयल च्यालेनजर्स बेंगलोरविरुद्ध चेन्नई सुपर किंग्सले पहिला ब्याटिङ गर्ने भएको छ । वानखडे स्टेडियम स्टेडियम मुम्बईमा चेन्नईका कप्तान महेन्द्रसिंह धोनीले टस जितेर पहिला ब्याटिङ गर्ने निर्णय लिएका छन् । चेन्नईले आज टोलीमा दुई परिवर्तन गरेको छ ।

मोईन अली फिट नहुँदा ड्वेन ब्राभोलाई मौका दिएको छ । लुन्गी एनगिडीको स्थानमा इमरान ताहिरले मौका पाएका छन् । बेंगलोरले टोलीमा दुई परिवर्तन गरेको छ । केन रिचर्डसनको स्थानमा ड्यानियल क्रिष्टियन र शहबाज अहमदको स्थानमा नवदीप सैनीलाई मौका दिएको छ ।

चेन्नई ४ खेलमा ३ मा जित र १ मा हार सहित ६ अंकका साथ दोस्रो स्थानमा छ । रोयल च्यालेन्जर्स बेंगलोर ४ खेलमा शतप्रतिशत जितका साथ ८ अंक बटुल्दै ८ अंकका साथ शीर्षस्थानमा छ । जारी आइपिएलमा अपराजित हुने बेंगलोर एकमात्र टोली हो । चेन्नई र बेंगलोरबीच आइपिएलमा कुल २६ खेल भएको छ । जसमा चेन्नई १६ खेलमा विजयी हुँदा ९ खेलमा पराजित भएको छ ।

चेन्नईको प्लेइङ ११ : फाफ डु प्लेसिस, ऋतुराज गायकवाड, सुरेश रैना, अम्बाती रायुडू, रविन्द्र जडेजा, महेन्द्रसिंह धोनी, साम करन, ड्वेन ब्राभो, शार्दूल ठाकुर, इमरान ताहिर र दीपक चहर ।

बेंगलोरको प्लेइङ ११ : विराट कोहली (कप्तान), देवदत्त पाडिक्कल, ग्लेन म्याक्सवेल, एवी डिभिलियर्स, वासिन्टन सुन्दर, डानियल क्रिष्टियन, काइल जामिसन, हर्षल पटेल,नवदीप सैनी, युजभेन्द्र चहल र मोहम्मद शिराज ।