एजेन्सी – इन्डियन प्रिमियर लिग (आइपिएल) २०२१ मा खेलाडीले कोरोना महामारीको कारण आफ्नो नाम फिर्ता लिने खेलाडी बढ्न थालेका छन् । सोमबार तीन खेलाडीले आफ्नो नाम फिर्ता लिएका छन् ।

रोयल च्यालेन्जर्स बेंगलोरका स्पिनर एडम जाम्पा, तीव्र गतिका बलर केन रिचर्डस्न र दिल्ली क्यापिटल्सका स्पिनर रविचन्द्रन आश्विनले कोरोना महामारीको कारण ब्यक्तिगत कारण देखाउँदै नाम फिर्ता लिई सकेका छन् । आइतबारनै राजस्थान रोयल्सका तीव्र गतिका बलर एन्डिुय टाईले अष्ट्रेलिया फर्किने निर्णय लिई सकेका छन् । आइपिएल सुरु हुनुअघिनै रोयल च्यालेन्जर्स बेंगलोरका ओपनर जोश फिलिपे, सनराइजर्स हैदराबादका मिचेल मार्श र चेन्नई सुपर किंग्सका जोश हेजलवुडले नाम फिर्ता लिएका थिए ।

भारतमा पछिल्लो समय दिनप्रतिदिन कोरोना महामारीले विकराल रुप लिएको छ । आइतबार भारतमा ३ लाख बढी मानिसमा कोरोना संकमण देखिदा २ हजार ७ सय ६७ जनाको मृत्यु भएको थियो ।

आइपिएल अंक तालिका

चेन्नई ५ खेलमा ४ मा जित र १ मा हार सहित ८ अंकका साथ शीर्षस्थानमा छ । दिल्ली ५ खेलमा ४ मा जित र १ मा हार सहित दोस्रो स्थानमा उक्लिएको छ । बेंगलोर ५ खेलमा ४ मा जित र १ मा हार सहित ८ अंक भएपनि नेटरनरेटको आधारको तेस्रो स्थानमा छ । मुम्बई ५ खेलमा ३ मा जित र २ मा हार सहित चौथो स्थानमा छ । पन्जाब पाँचौं र राजस्थान रोयल्स छैटौं स्थानमा छन् । राजस्थान र पन्जाब दुबैको ४-४ अंक छ । समान २ अंकका साथ सनराइजर्स हैदराबाद सातौं र कोलकाता नाइट राइडर्स पुछारमा छन् । सोमबार कोलकाता नाइट राइडर्स र पन्जाब किंग्सबीच प्रतिस्पर्धा हुँदै छ ।