काठमाडौं (हाम्रो खेलकुद) – पूर्वाञ्चल क्रिकेट ऐकेडेमीको आयोजनामा मोरङको बैजनाथपुरमा हुने भनिएको रिचा मेमोरियल टि२० क्रिकेट प्रतियोगिता केहि समयको लागि स्थगित भएको छ ।

वैशाख १५ देखि २२ सम्म बैजनाथपुर क्रिकेट मैदानमा हुने भनिएको प्रतियोगिता कोरोना महामारीसँगै सरकारको लकडाउन र खेलकुद गतिविधि गर्न रोक लगाएपछि केहि समयको लागि प्रतियोगिता स्थगित हुने भएको छ । अव प्रतियोगिता कोरोना अवस्था सामान्य भएपछि र सरकारले खेलकुद गतिविधिलाई अनुमति दिएपछि हुने सम्भावना छ ।

प्रतियोगितामा नेपालका तीन विभागिय टोली नेपाल पुलिस क्लब, नेपाल एपिएफ क्लब, नेपाल त्रिभुवन आर्मी, बागमती प्रदेशसँगे कुल १२ टोलीको सहभागिता हुने छ । प्रतियोगिताको विजेताले १ लाख र उप विजेताले ५० हजार प्राप्त गर्ने छन् । प्रत्येक खेलको प्लेयर अफ द म्याच र सिरिजले पनि पुरस्कार पाउने छन् ।

प्रतियोगिता नेपाल क्रिकेट संघ (क्यान) का क्यानका पूर्व उपाध्यक्ष नरेश श्रेष्ठकी छोरी तथा भिक्टोरियन नेप्लिस क्रिकेट संघका अध्यक्ष विबेक श्रेष्ठ को पत्नी रिचा श्रेष्ठको स्मृतिमा आयोजना गर्न लागिएको हो ‌। उनको २०१९ मा मृत्यु भएको थियो । एक वर्षअघि अष्ट्रेलियामामा सगरमाथा क्रिकेट क्लब र मेलबर्नको आयोजनामा पनि रिचा स्मृति क्रिकेट प्रतियोगितामा आयोजना सम्पन्न भएको थियो ।

वैजनाथपुरमा भने सातौं राष्ट्रिय खेलकुद अन्तर्गत क्रिकेट प्रतियोगिता आयोजना भएको थियो । नेपाली राष्ट्रिय क्रिकेट टोलीका पूर्व खेलाडी युनिल श्रेष्ठ तथा नेपाल पुलिस क्लबका कप्तान मञ्जित श्रेष्ठकी रिचा बहिनी हुन् ।