एजेन्सी – इन्डियन प्रिमियर लिग (आइपिएल) २०२१ को २३ औं खेलमा चेन्नई सुपर किंग्सविरुद्ध सनराइजर्स हैदराबादले पहिला ब्याटिङ गर्ने भएको छ । दिल्लीमा हैदराबादका कप्तान डेविड वार्नरले टस जितेर पहिला ब्याटिङ गर्ने निर्णय लिएका छन् ।

हैदराबादले टोलीमा दुई परिवर्तन गरेको छ । टोलीमा सन्दीप शर्मा र मनिष पाण्डे फर्किएका छन् । विराट सिंह र अभिषेक शर्मालाई हैदराबादले बेन्चमा राखेको छ । चेन्नईले इमरान ताहिर र ड्वेन ब्राभोलाई बेन्चमा राख्दै तीव्र गतिका बलर लुन्गी एनगिडी र अलराउन्डर मोईन अली टोलीमा फर्किएका छन् ।

चेन्नई आजको खेलमा पुछारमा रहेको हैदराबादलार्ई हराउँदै शीर्षस्थानमा उक्लिने सोचमा छ । हैदराबाद चेन्नईमाथि जित निकाल्दै पुछारबाट उक्लिन चाहन्छ । महेन्द्रसिंह धोनीको कप्तानीमा रहेको चेन्नई राम्रो लयमा रहँदै पछिल्ला चार खेलमा लगातार जित निकालेको छ ।

चेन्नईको प्लेइङ ११ : फाफ डु प्लेसिस, ऋतुराज गायकवाड, सुरेश रैना, अम्बाती रायुडू, रविन्द्र जडेजा, महेन्द्रसिंह धोनी, साम करन, लुन्गी एनगिडी, शार्दूल ठाकुर, मोईन अली र दीपक चहर ।

हैदराबादको प्लेइङ ११ : डेविड वार्नर (कप्तान), जोनी बेयरस्टो, केन विलियम्सन, मनिष पाण्डे, केदार जाधव, विजय शंकर, राशिद खान, जगदिश सुचिथ, सन्दीप शर्मा, खलिल अहमद र सिद्धार्थ कौल ।

हेड टु हेड :

आइपिएलमा चेन्नई र हैदराबादबीच कुल १४ खेल भएको छ । जसमा चेन्नई १० खेलमा विजयी हुँदा ४ खेलमा पराजित भएको छ । चेन्नईले हैदराबादविरुद्ध बनाएको सर्वाधिक २ सय २३ र कम १ सय ३२ रन छ । हैदराबादले चेन्नईविरुद्ध बनाएको सर्वाधिक रन १ सय ९२ र कम १ सय ३९ रन छ । पछिल्ला पाँच खेलमा चेन्नई तीन खेलमा विजयी हुँदा २ खेलमा पराजित भएको छ । गत वर्ष पहिलो खेलमा हैदराबाद ७ रनले विजयी हुँदा दोस्रो खेलमा २० रनले पराजित भएको थियो ।

अंक तालिका

बेंगलोर ६ खेलमा ५ मा जित र १ मा हार सहित १० अंकका साथ शीर्ष स्थानमा छ। चेन्नई ५ खेलमा ४ मा जित र १ मा हार सहित ८ अंकका दोस्रो शीर्षस्थानमा छ । दिल्ली ६ खेलमा ४ मा जित र २ मा हार सहित ८ अंक भएपनि नेट रनरेटको आधारमा तेस्रो स्थानमा छ । मुम्बई ५ खेलमा ३ मा जित र २ मा हार सहित चौथो स्थानमा छ । कोलकाता ६ खेलमा ४ मा हार र २ मा जित सहित पाँचौ स्थानमा छ । पन्जाब ६ खेलमा ४ मा जित र २ मा हार सहित ४ अंक जोड्दै छैटौं स्थानमा छ । राजस्थान रोयल्स ५ खेलमा ३ मा हार र २ मा जित सहित ४ अंकका साथ सातौं स्थानमा छ । सनराइजर्स हैदराबाद ५ खेलमा ४ मा हार र १ मा जित सहित २ अंक जोड्दै पुछारमा छ ।