3 years ago
June 2, 2021
एजेन्सी – ओपनर देभन कन्वेको टेष्ट डेब्यू खेलमै सानदार शतकसँगै न्युजिल्यान्डले इंग्ल्यान्डसँगको पहिलो टेष्ट खेलमा उत्कृष्ट सुरुवात गरेको छ । लर्ड्स क्रिकेट मैदानमा टस जितेर पहिला ब्याटिङ थालेको न्युजिल्यान्डले पहिलो दिनको समाप्तिमा ८६ ओभरमा ३ विकेट गुमाउँदै २ सय ४६ रन बनाएको छ । कन्वे २ सय ४० बलमा १६ चौका सहित १ सय ३६ […]
एजेन्सी – ओपनर देभन कन्वेको टेष्ट डेब्यू खेलमै सानदार शतकसँगै न्युजिल्यान्डले इंग्ल्यान्डसँगको पहिलो टेष्ट खेलमा उत्कृष्ट सुरुवात गरेको छ । लर्ड्स क्रिकेट मैदानमा टस जितेर पहिला ब्याटिङ थालेको न्युजिल्यान्डले पहिलो दिनको समाप्तिमा ८६ ओभरमा ३ विकेट गुमाउँदै २ सय ४६ रन बनाएको छ ।
कन्वे २ सय ४० बलमा १६ चौका सहित १ सय ३६ रनमा अविजित छन् । हेनरी निकोलस १ सय ४९ बलमा ३ चौका सहित ४६ रनमा अविजित छन् । चौथो विकेटका लागि कन्वे र निकोलसले १ सय ३२ रनको शतकीय साझेदारी गरि सकेका छन् । कन्वेले १ सय ६३ बलमा ११ चौका सहित करिअरको पहिलो टेष्ट खेलमै शतक प्रहार गरेका थिए । कन्वेले ओली रोबिन्सनलाई ६१ औं ओभरको दोस्रो बलमा चौका प्रहार गर्दै शतक प्रहार गरेका छन् ।
सिमित ओभरको क्रिकेटमा उत्कृष्ट प्रदर्शन गरेपछि न्युजिल्यान्डले कन्वेलाई डेब्यू गराएको थियो । कन्वेले टेष्टमा पनि सानदार प्रदर्शन गरेका छन् । टेष्ट डेब्यूमै शतक प्रहार गर्ने कन्वे विश्वका १ सय ११ औं खेलाडी हुन् । न्युजिल्यान्डबाट टेष्ट डेब्यूमै शतक हान्ने १२ औं खेलाडी बनेका छन् । लर्ड्समा डेब्यूमा शतक हान्ने कन्वे छैटौं खेलाडी हुन् ।
कन्वे लर्ड्समा डेब्यू टेष्टमा सर्वाधिक रन बनाउने खेलाडी बनेका छन् । कन्वेले भारतीय क्रिकेट टोलीका पूर्व कप्तान सौरभ गांगुलीको कीर्तिमान तोडेका छन् । यसअघि लर्ड्समा डेब्यू खेलमा सर्वाधिक रन बनाउने कीर्तिमान गांगुलीको नाममा थियो । गांगुलीले सन् १९९६ मा टेष्टमा डेब्यू गर्दै इंग्ल्यान्डविरुद्ध १ सय ३१ रनको इनिङ खेलेका थिए ।
न्युजिल्यान्डका ओपनर टम लाथम र कन्वेले १६ ओभरमा ५८ रनको साझेदारी गर्दै राम्रो सुरुवात दिलाएका थिए । इंग्ल्यान्डका डेब्यू खेल खेलि रहेका तीव्र गतिका बलर ओली रोबिन्सनले २३ रनमा बोल्ड आउट गर्दै पहिलो सफलता दिलाए । लाथमले ५७ बलमा २ चौका प्रहार गरे ।
कप्तान केन विलियम्सनलाई जेम्स एन्डरसनले १३ रनमा बोल्ड आउट गरे । ओली रोबिन्सनलेनै रस टेलरलाई १४ रनमा बोल्ड आउट गरेका थिए ।
May 3, 2024
एजेन्सी – सनराईजर्स हैदराबादले राजस्थान रोयल्स माथि रोमाञ्चक जित जीत दर्ता गरेको छ । अन्तिम बलसम्म पुगेको खेलमा राजस्थानलाई हैदराबादले १ रनले पराजित गरेको हो । २०२ रनको लक्ष्य पछ्याएको हैदराबादलाई अन्तिम दुई ओभरमा जितका लागि २० रनको आवश्यकता रहेको थियो । १९औं ओभरमा कप्तान प्याट कमिन्सले ७ रन मात्र दिए । अन्तिम ओभरमा १३ […]
May 2, 2024
काठमाडौं (हाम्रो खेलकुद) – महिला राष्ट्रिय लिगको छनोट प्रतियोगिता अन्तर्गत घरेलु टोली कर्णाली आफ्नो अन्तिम खेलमा गण्डकी प्रदेशलाई पराजित गर्दै राष्ट्रिय लिगमा छनोट भएको छ । विहीबार विहान सुर्खेतको कर्णाली प्रदेश रंगशालामा गण्डकीमाथि २-० को जित दर्ता गर्दै कर्णालीले अंक तालिकाको तेस्रो स्थान पक्का गर्यो । वर्षा ओली र संजिता बम्जनले १-१ गोल गर्दै टोलीको […]
May 2, 2024
काठमाडौं (हाम्रो खेलकुद) – वेस्ट इन्डिज ‘ए’ ले एक खेल बाँकी छँदै नेपाल विरुद्धको टि-२० सिरिज उपाधि जितेको छ । बिहिवार भएको चौथो खेलमा पनि जित दर्ता गर्दै पाहुना टोलीले एक खेल अगावै ३-१ ले सिरिज जितेको हो । पहिलो खेलमा हार बेहोरेको वेस्ट इन्डिज ‘ए’ ले लगातार तेस्रो जित दर्ता गर्ने क्रममा नेपाललाई २८ […]
