एजेन्सी – न्युजिल्यान्डले इंग्ल्यान्डसँगको पहिलो टेष्ट खेलमा १ सय ६५ रनको बलियो अग्रता लिएको छ । चौथो दिनको समाप्तिमा न्युजिल्यान्ड दोस्रो इनिङमा ६२-२ को अवस्थामा छ । न्युजिल्यान्डका ओपनर टम लाथम ७३ बलमा ३ चौका सहित ३० रनमा अजिजित छन् ।

निल वाग्रर २ रनमा अविजित छन् । पहिलो डेब्यू इनिङमा दोहोरो शतक प्रहार गरेका डेभन कन्वे २३ रनमा बोल्ड आउट भए । कन्वेलाई ओली रोबिन्सनले बोल्ड गरेका हुन् । रोबिन्सनलेनै कप्तान केन विलियम्सनलाई १ रनमा एलबिडब्लू आउट भए पहिलो इनिङमा इंग्ल्यान्ड २ सय ७५ रनमा अल आउट भयो । इंग्ल्यान्डका ओपनर रोरी बन्र्स २ सय ९७ बलमा १६ चौका र १ छक्का सहित १ सय ३२ रनको इनिङ खेले । उनको यो टेष्ट करिअरको तेस्रो शतक हो । लर्ड्स मैदानमा पहिलो शतक प्रहार गरेका हुन् ।

२०१५ पछि इंग्ल्यान्डका ओपनर ब्याट्सम्यानले लर्ड्समा पहिलो शतक प्रहार गरेका छन् । कप्तान जो रुट र रोबिन्सन ४२(४२ रनमा आउट भए । ओली पोपले २२ रन बनाउन बाहेक अन्यले दोहोरो अंकमा रन बनाउन सकेनन् । न्युजिल्यान्डका तीव्र गतिका बलर टिम साउथीले ६ र काइल जामिसनले ३ विकेट लिए ।

त्यसअघि टस जितेर पहिला ब्याटिङ थालेको न्युजिल्यान्ड पहिलो इनिङमा दोस्रो दिन ३ सय ७८ रनमा अल आउट भएको थियो । वर्षाको कारण तेस्रो दिन भने खेल हुन सकेन । डेब्यू खेलमै न्युजिल्यान्डका ओपनर डेभन कन्वेले ३ सय ४७ बलमा २२ चौका र १ छक्का सहित २ सय रनको दोहोरो शतकीय इनिङ खेलेका थिए । वाग्रर २१ बलमा ३ चौका र १ छक्का सहित २५ रनमा अविजित रहे ।

हेनरी निकोलस १ सय ७५ बलमा ४ चौका सहित ६१ रनमा क्याच आउट हुन पुगेका थिए । निकोलस मार्क वुडको बलमा ओली रोबिन्सनबाट क्याच आउट हुन पुगेका थिए । चौथो विकेटका लागि कन्वे र निकोलसले १ सय ७४ रनको शतकीय साझेदारी गरेका थिए । त्यसपछि भने तल्लोक्रमका ब्याट्सम्यानले कन्वेलाई साथ दिन सकेनन् । बिजे वाटलिङ १, मिचेल सान्टनेर र कोलिन डी ग्रान्डहोम शून्यमा आउट भए । काइल जामिसन ९ रनमा क्याच आउट हुन पुगे ।

न्युजिल्यान्डका ओपनर टम लाथम र कन्वेले १६ ओभरमा ५८ रनको साझेदारी गर्दै राम्रो सुरुवात दिलाएका थिए । इंग्ल्यान्डका डेब्यू खेल खेलि रहेका तीव्र गतिका बलर ओली रोबिन्सनले २३ रनमा बोल्ड आउट गर्दै पहिलो सफलता दिलाए । लाथमले ५७ बलमा २ चौका प्रहार गरे । कप्तान केन विलियम्सनलाई जेम्स एन्डरसनले १३ रनमा बोल्ड आउट गरे ।

ओली रोबिन्सनलेनै रस टेलरलाई १४ रनमा एलबिडब्लू आउट गरेका थिए । इंग्ल्यान्डका ओली रोबिन्सनले ४ र मार्क वुडले ३ विकेट लिए । जिमी एन्डरसनको नाममा २ विकेट रह्यो ।