एजेन्सी – पाकिस्तानले इंग्ल्यान्डविरुद्ध दोस्रो ओडिआई खेलमा पहिला बलिङ गर्ने भएको छ । लर्ड्समा पाकिस्तानका कप्तान बाबर आजमले टस जितेर पहिला बलिङ गर्ने निर्णय लिएका हुन् ।

वर्षाको कारण खेल सुरु हुन निर्धारित समय भन्दा एक घण्टा ढिलो भएको हुँदा खेल ४७-४७ ओभरको हुने छ । पाकिस्तानले पहिलो खेलबाट टोलीमा कुनै परिवर्तन गरेको छैन । इंग्ल्यान्डले पनि टोलीमा परिवर्तन गरेको छैन । खेलमा दुई बलरले मात्र १०-१० ओभर बलिङ गर्न सक्ने छन् ।

पहिलो खेलमा इंग्ल्यान्डले पाकिस्तानलाई ९ विकेटले पराजित गरेको थियो । तीन ओडिआई खेलको सिरिजमा इंग्ल्यान्डले १–० को अग्रता लिएको छ । पाकिस्तानलाई सिरिज जित्ने सम्भावना कायमै राख्न दोस्रो खेल जित्नै पर्ने दबाब छ । पहिलो खेलमा पाकिस्तान १ सय ४१ रनमै अल आउट भएको थियो । उक्त लक्ष्य इंग्ल्यान्डले २१.५ ओभरमा १ विकेट गुमाउँदै पूरा गरेको थियो । पहिलो खेलबाट इंग्ल्यान्डको मनोबल उच्च छ । इंग्ल्यान्डका ओपनर डेविड मलान ६९ बलमा ८ चौका सहित ६८ रनमा अविजित रहेका थिए । डेब्यू खेल खेलेका युवा ब्याट्सम्यान ज्याक क्रली ५० बलमा ७ चौका सहित ५८ रनमा अविजित रहेका थिए । दोस्रो विकेटका लागि क्रली र मलानले १ सय २० रनको अविजित साझेदारी गर्दै सहज जित दिलाएका थिए ।

इंग्ल्यान्डको प्लेइङ ११ : फिलिप साल्ट, डेविड मलान, ज्याक क्रली, जेम्स भिन्स, बेन स्टोक्स (कप्तान), जोन सिम्पसन (विकेटकिपर), लुईस ग्रेगरी, क्रेग ओभरटन, ब्रायडनक्रस, सकिब मोहम्मद, म्याथ्यु पार्किसन ।

पाकिस्तानको प्लेइङ ११ : इमाम उल हक, फखर जमान, बाबर आजम (कप्तान_, मोहम्मद रिजवान, साउद शकिल, सोहिल मकसूद, शादब खान, फहिम अशरफ, हसन अली, शाहिन अफ्रिदी र हरिस रौफ