default_image

3 years ago

July 11, 2021

सानदार प्रदर्शनसँगै इंग्ल्यान्डलाई एक खेल अगावै सिरिज

एजेन्सी – इंग्ल्यान्डले पाकिस्तानविरुद्ध तीन ओडिआई खेलको सिरिज एक खेल अगावै जितेको छ । दोस्रो खेलमा शनिबार राती पाकिस्तानलाई ५२ रनले हराउँदै इंग्ल्यान्डले सिरिज जितेको हो । जितको लागि २ सय ४८ रनको विजयी लक्ष्य पछ्याएको पाकिस्तान ४१ ओभरमा १ सय ९५ रनमा अल आउट भयो । पाकिस्तानका साउद शकिलले ७७ बलमा ४ चौका सहित […]

33 views

0 Bookmark

एजेन्सी – इंग्ल्यान्डले पाकिस्तानविरुद्ध तीन ओडिआई खेलको सिरिज एक खेल अगावै जितेको छ । दोस्रो खेलमा शनिबार राती पाकिस्तानलाई ५२ रनले हराउँदै इंग्ल्यान्डले सिरिज जितेको हो ।


जितको लागि २ सय ४८ रनको विजयी लक्ष्य पछ्याएको पाकिस्तान ४१ ओभरमा १ सय ९५ रनमा अल आउट भयो । पाकिस्तानका साउद शकिलले ७७ बलमा ४ चौका सहित सर्वाधिक ५६ रनको योगदान दिए । अन्यले राम्रो प्रदर्शन गर्न सकेनन् । दोस्रो ओभरको पहिलो बलमै ओपनर ईमाम उल हक लुईस ग्रेगरीको बलमा एक रनमा क्याच आउट भएका थिए । पाँचौं ओभरको पाँचौं बलमा सकिब मोहम्मदले कप्तान बाबर आजमलाई १९ रनमा एलबिडब्लू आउट गर्दै इंग्ल्यान्डलाई महत्वपूर्ण सफलता दिलाएका थिए । बाबरले १५ बलमा चार चौका प्रहार गरे । नवौं ओभरको तेस्रो बलमा सकिबले मोहम्मद रिजवानलाई विकेटकिपर जोन सिम्पसनबाट पाँच रनमा क्याच गराउँदै पाकिस्तानलाई दबाबमा राखेका थिए ।

क्रेग ओभरटनले ओपनर फखर जमानलाई १४ औं ओभरको पाँचौं बलमा १० बोल्ड आउट गरेपछि पाकिस्तान संकटमा परेको थियो । जमानले ४५ बल खेल्दा कुनै बाउन्ड्री प्रहार गर्न सकेनन् । सोहिब मकसूद १७ बलमा २ छक्का सहित १९ रन जोड्दै क्याच आउट भए । शादब खान २० बलमा तीन चौका सहित २१ रनमा क्याच आउट भएपछि जित टाढिएको थियो । फहिम अशरफ एक रनमा क्याच आउट हुँदा पाकिस्तान २७.१ ओभरमा ११८–७ को दयनिय अवस्थामा पुगेको थियो । तल्लोक्रममा हसन अलीले १७ बलमा २ चौका र ३ छक्का सहित ३१ रनको आक्रामक इनिङ खेलेका थिए ।

३१ औं ओभरको पाँचौं बलमा हसनलाई बायडन क्रसेले ओभरटनबाट क्याच गराएपछि पाकिस्तानको जितको सम्भावना सकिएको थियो । शाहिन अफ्रिदी र शकिलले आठौं विकेटका लागि ४० रनको साझेदारी गरेका थिए । अफ्रिदीले १८ रनमा अविजित रहे ।

इंग्ल्यान्डका लुईस ग्रेगरीले ८ ओभरमा ४४ रन खर्चेर ३ विकेट लिए । सकिब मोहम्मद, क्रेग ओभरटन र म्याथ्यु पार्किसनले २–२ विकेट लिए ।

त्यसअघि लर्ड्समा टस हारेर ब्याटिङको निम्तो पाएको घरेलु टोली इंग्ल्यान्ड ४५.२ ओभरमा २ सय ४७ रनमा अल आउट भएको थियो । इंग्ल्यान्डका ओपनर फिलिप साल्टले ५४ बलमा १० चौका सहित सर्वाधिक ६० रनको योगदान दिए । जेम्स भिन्सले ५२ बलमा ८ चौका सहित ५६ रन जोडेका थिए । दोस्रो ओभरको अन्तिम बलमा हसन अलीले ओपनर डेविड मलानलाई शादब खानबाट शून्यमा क्याच गराउँदै पहिलो सफलता दिलाएका थिए ।

पाँचौं ओभरको पहिलो बलमा शाहिन अफ्रिदीले ज्याक क्रलीलाई शून्यमा बोल्ड गर्दै इंग्ल्यान्डलाई २१–२ को कमजोर अवस्थामा पुर्याए । तर तेस्रो विकेटका लागि साल्ट र भिन्सले ९७ रनको आक्रामक उत्कृष्ट साझेदारी गर्दै इंग्ल्यान्डलाई खेलमा फर्काएका थिए । यी दुई ब्याट्सम्यान पाकिस्तानका तीव्र गतिका बलर सामू हाबी बनेका थिए ।

स्पिनर साउद शकिलले १८ औं ओभरको तेस्रो बलमा साल्टलाई बोल्ड गर्दै महत्वपूर्ण सफलता दिलाएका थिए । साल्टको विकेट पाकिस्तानलाई खेलमा फर्किने टर्निङ प्वाइन्ट बन्न पुग्यो । २१ औं ओभरको पाँचौं बलमा शादबले भिन्सलाई बोल्ड आउट गरे । सेट भएका दुबै ब्याट्सम्यान आउट भएपछि उत्कृष्ट सुरुवात गरेको इंग्ल्यान्ड पुन दबाबमा परेको थियो । त्यसपछि हसनले तीन विकेट लिदै पाकिस्तानलाई खेलमा फर्काएका थिए । आफ्नो एक सय औं ओडिआई खेल खेली रहेका कप्तान बेन स्टोक्स हसनको बलमा २२ रनमा बोल्ड आउट भए । स्टोक्सले २६ बलमा २ चौका र १ छक्का प्रहार गरे ।

२८ औं ओभरको पहिलो बलमा हसनले विकेटकिपर जोन सिम्प्सनलाई १७ रनमा बोल्ड आउट गरे । तीन बलपछि क्रेग ओभरटन विकेटकिपर मोहम्मद रिजवानबाट शून्यमा समातिन पुग्दा इंग्ल्यान्ड १६०–७ को कमजोर अवस्थामा पुगेको थियो । अन्तिम तीन विकेट इंग्ल्यान्डले मात्र चार रन जोड्दा गुमाएको थियो ।

आठौं विकेटका लागि ब्रायडन क्रसे र लुईस ग्रेगरीले ६९ रनको महत्वपूर्ण साझेदारी गर्दै इनिङलाई अघि बढाएका थिए । तीव्र गतिका बलर हरिस रौफले ग्रेगरीलाई फखर जमानबाट ४० रनमा क्याच गराउँदै साझेदारी तोडेका थिए । ग्रेगरीले ४७ बलमा ४ चौका प्रहार गरे । क्रसे ४१ बलमा २ चौका सहित ३१ रनमा बोल्ड आउट भए । सकिब मोहम्मद ८ र म्याट पार्किसन ७ रन बनाए ।

पाकिस्तानका हसन अलीले ९।२ ओभरमा ५१ रन खर्चेर ५ विकेट लिए । हरिस रौफले ९ ओभरमा ५४ रन खर्चेर २ विकेट लिए । शाहिन शाह अफ्रिदी, शादब खान र साउद शकिलले एक एक विकेट लिए । पहिलो खेलमा इंग्ल्यान्ड ९ विकेटले विजयी भएको थियो । तेस्रो खेल मंगलबार हुने छ ।

March 29, 2024

इण्डो–नेपाल टि ट्वान्टी- मधेश र तालतला फाइनल भिड्ने

चितवन (हाम्रो खेलकुद)- मधेश प्रदेश र भारतीय टोली तालतला इन्स्टिटाइट कोलकाता चितवनको भरतपुरमा जारी इण्डो–नेपाल टि‌ ट्वान्टी च्याम्पियनसिप क्रिकेटको‌ फाइनलमा भिड्ने भएका छन्। गौतमबुद्ध अन्तर्राष्ट्रिय क्रिकेट रंगशालाको नमुना मैदानमा शुक्रबार भारतको क्षेत्रीय टोली पिएसआरए ग्रुप लखनउलाई २ विकेटले पराजित गर्दै मधेश फाइनलमा पुगेको हो। जितको लागि लखनउले दिएको १ सय ४८ रनको लक्ष्य मधेशले १९.४ […]

March 29, 2024

लोकेशको शतकका बाबजुद नेपाल ‘ए’ पराजित

काठमाडौं (हाम्रो खेलकुद) – ओपनर लोकेश बमको आक्रामक शतकका बाबजुद नेपाल ‘ए’ ले टि२० सिरिजको पहिलो खेलमा आयरल्यान्ड वल्भ्ससँग २१ रनले पराजित भएको छ । आयरल्यान्डले प्रस्तुत गरेको २ सय २३ रनको विजयी लक्ष्य पछ्याएको नेपाल ‘ए’ ले ३ बल अगावै २ सय १ रनमा अलआउट भयो । यससँगै वल्भ्सले सिरिजमा १-० को अग्रता लिएको […]

March 29, 2024

नेपाल ‘ए’ लाई आयरल्यान्ड वल्भ्सको विशाल लक्ष्य

काठमाडौं (हाम्रो खेलकुद) – आयरल्यान्ड वल्भ्सले नेपाल ‘ए’ विरुद्धको टि२० सिरिज अन्तर्गत पहिलो खेलमा २ सय २३ रनको विशाल लक्ष्य प्रस्तुत गरेको छ । पहिलो ब्याटिङको निम्तो पाएको वल्भ्सले निर्धारित २० ओभरमा ५ विकेट गुमाएर २ सय २२ रन बनायो । मध्यम सुरुवात गरेको आयरल्यान्ड वल्भ्सले अन्त्यतिर आक्रामक ब्याटिङ गर्दै विशाल योगफल खडा गर्यो । […]

Success

Thank you for your time.