एजेन्सी – पाकिस्तानका पूर्व तीव्र गतिका बलर शोएब अख्तरले आफ्नो देशले इंग्ल्यान्डको एकेडेमी स्तरको टोलीसँग हारेको बताएका छन् । पाकिस्तान दोस्रो ओडिआई खेलमा शनिबार राती इंग्ल्यान्डसँग ५२ रनले पराजित भएपछि अख्तरले आफ्नो युटुब च्यानलमा बोल्दै इंग्ल्यान्डको एकेडेमी र क्लब स्तरको टोलीसँग हारेको बताएका हुन् ।

‘इंग्ल्यान्डले एकेडेमीको टोली खेलाएको छ । दुई तीन घण्टा पहिले खेलाडी बोलाएर टिम निर्माण गरेको थियो । त्यहिँ टिमसँग पाकिस्तानले हार्यो । पाकिस्तान अव के गर्छ मलाई थाहा छैन’, उनले भने । अख्तरले पाकिस्तान क्रिकेट बोर्ड र ब्यवस्थापनमाथि प्रश्न उठाएका छन् । ‘औसत बोर्डसँग औसत ब्यवस्थापन आउछ । औसत ब्यवस्थापनबाट टोली पनि त्यसै किसिमको बन्छ’, उनले भने । अख्तरले बाबरको कप्तानी र बलरमाथि पनि आक्रोश ब्यस्त गरेका छन् । इंग्ल्यान्ड एक समय १६०–७ को अवस्थामा थियो । आठौं विकेटका लागि लुईस ग्रेगरी र ब्रायडन क्रसेले ६९ रनको महत्वपूर्ण साझेदारी गरेका थिए ।

‘विपक्ष्य टोली १६०–७ को अवस्था छ भने स्लिपमा दुई जना राखेर बाउन्सर राख्दै विकेटको प्रयास गर्नु पर्ने हो । हसन अली बाहेक अन्य कुनै पनि बलरले विकेट लिन सक्ने देखिएन । पाकिस्तान ३–० ले हार्ने देखिन्छ । औसत मानिसकले प्रदर्शन पनि त्यस्तै हुन्छ । विश्व कुन स्तरको क्रिकेट खेलि राखेको र पाकिस्तान कुन’, उनले भने । मेरो करिअरको समयमा पनि पाकिस्तानको ब्याट्सम्यानको अवस्था यस्तै थियो । ब्याटिङको कारण पाकिस्तानले यतिधेरै खेल हारेको छ कि राम्रो ब्याटिङ भएको भए हाम्रो इतिहास धेरै राम्रो हुने थियो । जितेको खेल पनि ब्याटिङको कारण हाथ्र्यौ । मेरो समयमा पनि त्यहिँ थियो आज पनि त्यहिँ छ’ ।

‘ब्याटिङ छक्का चौका मात्र होईन एक दुई रन पनि हो भन्ने ब्याट्सम्यानलाई कसले सिकाउने, स्ट्राइक परिवर्तन गर्न पनि आउँदैन’, अख्तरले आक्रोशका साथ प्रश्न गरेका छन् । त्यसैमा थपे, ‘पाकिस्तानको टोलीले इंग्ल्यान्डको एकेडेमी टोलीसँग फराकिलो हार्यो । यो भन्दा खराब हाम्रो लागि के हुन सक्छ । पाकिस्तानको यस्तो खेल हेर्न कोहि आउदैन । युवा खेलाडी आर्कषित हुँदैनन्’ ।

पहिलो खेल पाकिस्तान इंग्ल्यान्डसँग ९ विकेटले पराजित भएको थियो । तेस्रो तथा अन्तिम ओडिआई खेल मंगलबार हुने छ । ओईन मोर्गनको कप्तानीमा घोषणा १६ सदस्य टोली मध्य तीन खेलाडीमा कोरोना देखिएपछि इंग्ल्यान्डले बेन स्टोक्सको नेतृत्वमा नयाँ टोली घोषणा गरेको थियो । स्टोक्स बाहेक अन्य खेलाडीमा ओडिआईको खासै अनुभव छैन । नौं अनक्याप्ड खेलाडी थिए । पहिलो खेलमा पाँच खेलाडीले डेब्यू गरि सकेका छन् ।

पहिलो खेलमा पाकिस्तान १ सय ४१ रनमा अल आउट भएको थियो । उक्त लक्ष्य इंग्ल्यान्डले २१.५ ओभरमा १ विकेटको क्षतिमा पूरा गरेको थियो । दोस्रो खेलमा २ सय ४७ रनको विजयी लक्ष्य पछ्याउनेक्रममा ४१ ओभरमा १ सय ९५ रनमा अल आउट भएको थियो । पाकिस्तानका प्रमुख ब्याट्सम्यान बाबर आजम दुबै खेलमा चल्न सकेनन् । पहिलो खेलमा बाबर शून्य र दोस्रो खेलमा १९ रनमा आउट भएका थिए । फखर जमान र मोहम्मद रिजवान जस्ता प्रमुख ब्याट्सम्यान नचलेपछि पाकिस्तानले अपेक्षित प्रदर्शन गर्न नसकेको हो ।