एजेन्सी – आयरल्यान्डले दक्षिण अफ्रिकालाई पहिलो पटक पराजित गर्दै इतिहास रचेको छ । आइसिसी विश्वकप सुपर लिग अन्तर्गत तीन आई खेलको सरिजमा दोस्रो खेलमा आयरल्यान्डले दक्षिण अफ्रिकालाई मंगलबार राती ४३ रनले हराउँदै इतिहास रचेको हो ।

आयरल्यान्डले कुनैपनि शैलीमा दक्षिण अफ्रिकालाई पहिलो पटक पराजित गरेको हो । योसँगै तीन ओडिआई खेलको सिरिजमा १–० को अग्रता लिएको छ । जितको लागि २ सय ९१ रनको विजयी लक्ष्य पछ्याएको दक्षिण अफ्रिका ४८.३ ओभरमा २ सय ४७ रनमा अल आउट भयो । दक्षिण अफ्रिका ओपनर जान्नेमान मलानले ९६ बलमा ७ चौका र ४ छक्का सहित सर्वाधिक ८४ रनको योगदान दिए ।

मध्यक्रमका ब्याट्सम्यान रास्सी भान डर डुसनेले ७० बलमा २ चौका सहित ४९ रन जाडे । अन्य ब्याट्सम्यानले राम्रो प्रदर्शन गर्न सकेनन् ।कप्तान टेम्बा बभुमा १०, ओपनर एडेन माक्ररम ५, काईल भिरभिने १३ र डेविड मिलर २४ रनमा आउट भए । कागिसो रबाडा १६, केशव महाराज १७ र एनरिच नोर्कियाले १० रन बनाए । आयरल्यान्डका एन्ड्रयू म्याकब्रिनी, मार्क आदिर र जोश लिटिलले २–२ विकेट लिए । जर्ज डकरेल, सिमि सिंह र क्रेग यौंगले एक एक विकेट लिए ।

त्यसअघि डुब्लिनमा टस हारेर ब्याटिङ थालेको घरेलु टोली आयरल्यान्डले निर्धारित ५० ओभरमा ५ विकेट गुमाउँदै २ सय ९० रन बनाएको थियो । कप्तान तथा ओपनर एन्ड्रयू बलबर्नीले १ सय १७ बलमा १० चौका र २ छक्का सहित १ सय २ रनको शतकीय इनिङ खेलेका थिए । उनको यो ओडिआई करिअरको सातौं शतक हो ।

ह्यारी टेक्टरले ६८ बलमा ६ चौका र ४ छक्का सहित ७९ रनको आक्रामक इनिङ खेलेका थिए । ओपनर पल स्टर्लिङ २७, जर्ज डकरेल ४५ र एन्ड्रयू म्याकब्रिनीले २३ रनको योगदान दिए । दक्षिण अफ्रिका एन्डिले फेहलुकवयोले सर्वाधिक २ विकेट लिए । कागिसो रबाडा, तबरेज शाम्सी र केशव महाराजले एक एक विकेट लिए । पहिलो खेल वर्षाको कारण रद्ध भएको थियो । तेस्रो खेल शुक्रबार हुने छ ।