3 years ago
July 14, 2021
एजेन्सी – वेस्टइन्डिज आगमी अक्टोबर नोभेम्बरमा यूएई र ओमानमा हुने टि२० विश्वकप उपाधि जित्ने बलियो दाबेदार टोली रहेको भारतीय पूर्व क्रिकेटर दीप दासगुप्ताले बताएका छन् । वेस्ट इन्डिजले अष्ट्रेलियाविरुद्ध पाँच टि२० आई सिरिज अन्तर्गत लगातार तीन खेल जितिसकेको छ । विशेषगरी अनुभवी खेलाडी क्रिस गेल र ड्वेन ब्राभोको पूनरागमनले टोली निकै सन्तुलित र बलियो बनेको […]
एजेन्सी – वेस्टइन्डिज आगमी अक्टोबर नोभेम्बरमा यूएई र ओमानमा हुने टि२० विश्वकप उपाधि जित्ने बलियो दाबेदार टोली रहेको भारतीय पूर्व क्रिकेटर दीप दासगुप्ताले बताएका छन् । वेस्ट इन्डिजले अष्ट्रेलियाविरुद्ध पाँच टि२० आई सिरिज अन्तर्गत लगातार तीन खेल जितिसकेको छ ।
विशेषगरी अनुभवी खेलाडी क्रिस गेल र ड्वेन ब्राभोको पूनरागमनले टोली निकै सन्तुलित र बलियो बनेको छ । ‘वेस्ट इन्डिज मुख्य गरेर आक्रामक र ब्याटिङमा धेरै निर्भर टोली हो । तर पछिल्ला दुई सिरिजमा बलिङमा पनि उत्कृष्ट गरेको छ । ओबेद म्याकोय, हेडन वाल्श जुनियर, शेल्डन कटलेरसँगै अलराउन्डरको सम्मिश्रणले बलिङ उत्कृष्ट छ’, पूर्व क्रिकेटर दीपले भने ।
‘खेलाडी लयमा छन् । रसेलले रन बनाएका छन् । गेलले पनि पछिल्लो खेलमा रन बनाए । कप्तान काइरन पोलार्ड चोटका कारण टोलीमा छैनन् । सुनिल नारायण तयार भएपछि टोलीमा स्थान बनाउन सक्छन् । वेस्ट इन्डिजको टोली धेरै राम्रो भएको छ । यूएईमा विश्वकप हुने हुँदा पनि थप फाइदा पुग्ने छ’,उनले भनेका छन् ।
‘गतवर्ष आइपिएलमा वेस्ट इन्डिजका खेलाडीको प्रदर्शन त्यति राम्रो हुन सकेको थिएन । मुख्य कारण फिच बाउन्स थियो । यसपटक आइपिएलको कारण पिच थप फ्ल्याट र टाइट हुँदा वेस्ट इन्डिजको पावर हिटरलाई धेरै फाइदा पुग्ने छ । विग हिटर पोलार्ड छैनन् । उनी फिट भएपछि कसलाई बेन्चमा राख्ने भन्ने छ । त्यसैले वेस्ट इन्डिज विश्वकपको बलियो दाबेदार टोली हो’, उनले भने । दीपले वेस्ट इन्डिजपछि भारत र इंग्ल्यान्ड पनि दाबेदार बताएका छन् ।
वेस्ट इन्डिजको ब्याटिङमा गहिराई छ । ओपनरमा लेन्डन सिमन्स, आन्द्रे फ्लेचर र ईभिन लुईस छन् । क्रिस गेल, श्रिमन हेटमायर, निकोलस पुरन,ड्वेन ब्राभो, पोलार्ड, रसेल, फबिएन एलेन पावर हिटर ब्याट्सम्यान हुन् । विश्व फ्रेन्चाइज लिगमा यी ब्याट्सम्यानको बाहुल्यता र दबदबा छ । स्पिनरमा हेडेन वाल्श जुनियर उत्कृष्ट लयमा देखिएका छन् ।
फबिएन एलेन स्पिनसँगै उत्कृष्ट हिटर र फिल्डर हुन् । तीव्र गतिका बलरमा म्याककोयले सानदर प्रदर्शन गरि रहेका छन् । शेल्डन कटरेलले पनि राम्रो लयको संकेत दिएका छन् । जेसन होल्डर र सुनिल नारायणलाई प्लेइङ ११ मै स्थान बनाउन निकै कठिन देखिन्छ ।
विश्वकप अघिको लय र खेलाडी हेर्दा वेस्टइन्डिज बलियो देखिन्छ । वेस्ट इन्डिजको टोलीमा युवा र अनुभवी खेलाडीको मिश्रण हुँदा झनै बलियो बनेको छ । कप्तान पोलार्ड र उपकप्तान पुरनको नेतृत्व क्षमता उत्कृष्ट रहँदै आएको छ । साविक विजेता वेस्टइन्डिज पनि लगातार तेस्रो विश्वकप जित्ने सोचका साथ लागिपरेको छ ।
April 18, 2024
काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिप बिहीबार भएको कम योगफलको खेलमा लुम्बिनी प्रदेशले कर्णाली प्रदेशलाई ७ विकेटले सहजै हराएको छ। लुम्बिनीको जितमा कप्तान देव खनालले अर्धशतक बनाए। लुम्बीनीको यो दोस्रो जित हो। ८२ रनको सहज लक्ष्य लुम्बिनीले १२.२ ओभरमा मात्र ३ विकेटको नोक्सानीमा पुरा गर्यो। कप्तान देवले उत्कृष्ट ब्याटिङ गरे। उनले […]
April 17, 2024
एजेन्सी – दिल्ली क्यापिटल्सले इन्डियन प्रिमियर लिग (आइपिएल) मा तेस्रो जित हासिल गरेको छ । दिल्लीले बुधबार गुजरात टाइटेन्सलाई ६ विकेटले हराएको छ । टस जितेर फिल्डिङ रोज्ने दिल्लीको निर्णय सहि साबित भएको थियो । ९० रनको सामान्य लक्ष्य पछ्याएको दिल्लीले ६७ बल बाँकी रहँदा ४ विकेट गुमाएर ९२ रन बनाएको थियो । दिल्लीका लागि […]
April 17, 2024
काठमाडौं (हाम्रो खेलकुद) – आशुतोष गिरहियाको सानदार शतकमा बागमती प्रदेशले वीर गणेशमान सिंह राष्ट्रिय टी–ट्वान्टी च्याम्पिनसिपमा पहिलो जित हात पारेको छ । बागमतीले बुधबार गण्डकी प्रदेशलाई ६७ रनको सहज नतिजामा हराएको हो । गण्डकीको यो लगातार दोस्रो हार हो । माथिल्लो मुलपानी मैदानमा भएको खेलमा टस जितेर पहिले ब्याटिङ गरेको बागमतीले २० ओभरमा ६ विकेट […]
