4 years ago
July 14, 2021
काठमाडौं (हाम्रो खेलकुद) – नेपाली राष्ट्रिय क्रिकेट टोलीका युवा ओपनर कुशल भुर्तेल अन्तर्राष्ट्रिय क्रिकेट परिषद् (आइसिसी) को टि२० ब्याटिङ वरीयतामा वेस्ट इन्डिजका कप्तान काइरन पोलार्डभन्दा अघि रहेका छन् ।
आइसिसीको नयाँ वरीयतामा कुशल एक स्थान सुधार गर्दै ५९ औं स्थानमा उक्लिएका छन् । कुशलको ४ सय ४२ रेटिङ प्वाइन्ट छ । पोलार्ड ६० औं स्थानमा छन् । भारतीय क्रिकेट टोलीका सूर्यकुमायर यादव ६६ औं, ऋषभ पन्त ७२ औं र अष्ट्रेलिया स्टिभ स्मिथ ७३ औं स्थानमा छन् । पारस खड्का ९१ औं स्थानमा पुगेका छन् ।
कप्तान ज्ञानेन्द्र मल्ल पनि खस्कदै ९६ औं स्थानमा पुगेका छन् । ब्याटिङको शीर्षक्रममा इंग्ल्यान्डका डेविड मलान हुँदा पाकिस्तानका कप्तान बाबर आजम दोस्रो र अष्ट्रेलिया कप्तान अरोन फिन्च तेस्रो स्थानमा छन् । न्युजिल्यान्डका डेभन कन्वे चौथो स्थानमा छन् ।
बलिङतर्फ लेगस्पिनर सन्दीप लामिछाने ७८ औं स्थानमा झरेका छन् । वेस्ट इन्डिजका फबिएन एलेन एकै पटक १६ स्थान सुधार गर्दै १० औं स्थानामा उक्लिएका छन् । बलिङतर्फ दक्षिण अफ्रिका स्पिनर तबरेज शाम्सी, अफगानिस्तानका राशिद खान, आदिल राशिद र श्रीलंका वानिन्दु हसरंगा क्रमशः शीर्ष, दोस्रो, तेस्रो र चौथो स्थानमा छन् ।अलराउन्डरतर्फ अफगानिस्तानका मोहम्मद नाबी शीर्ष स्थानमा छन् ।
गत वैशाखमा नेपाल, मलेसिया र नेदरल्यान्ड्सबीचको त्रिकोणात्मक टि२० आई सिरिजमा नेपाली युवा ब्याट्सम्यान कुशल भुर्तेलले डेब्यू गर्दै उत्कृष्ट प्रदर्शन गरेका थिए । नेपाललाई च्याम्पियन बनाउन उत्कृष्ट प्रदर्शन गरेका कुशलले त्रिकोणात्मक टि२० आई सिरिजको कुल ५ खेलमा ४ अर्धशतक सहित २ सय ७८ रन बनाउँदै सर्वोत्कृष्ट खेलाडी चुनिएका थिए । कुशलले खेलेका ५ मध्य ४ खेलमा अर्धशतक प्रहार गरेका थिए ।
December 20, 2025
एजेन्सी – भारतले पाँचौँ टि ट्वान्टी आईमा दक्षिण अफ्रिकालाई ३० रनले पराजित गर्दै ५ खेलको सिरिज ३-१ ले आफ्नो पक्षमा पारेको छ। अहमदाबादस्थित नरेन्द्र मोदी अन्तर्राष्ट्रिय क्रिकेट रंगशालामा आज भारतले दक्षिण अफ्रिकालाई हराउँदै सिरिज जितको हो। पहिले ब्याटिङको निम्तो पाएको भारतले निर्धारित २० ओभरमा ५ विकेट गुमाउँदै विशाल २ सय ३१ रन बनायो। भारतको इनिङ्समा […]
December 19, 2025
एजेन्सी – भारत र पाकिस्तान युएईमा जारी यु १९ एसिया कपको फाइनलमा पुगेका छन्। दुबैले सेमिफाइनलमा प्रभावशाली प्रदर्शन गर्दै फाइनलको यात्रा तय गरेका हुन्। आज भारतले श्रीलंका र पाकिस्तानले बंगलादेशलाई समान ८ विकेटले हराउँदै एकअर्कासँगको भेट पक्का गरेका हुन्। आइतवार हुने फाइनलमा फेरि एकपटक भारत र पाकिस्तानबीच प्रतिस्पर्धा हुनेछ। एउटै समूहबाट भारत विजेता र पाकिस्तान […]
December 16, 2025
भुपेन्द्र जि.सी. नेपाल प्रिमियर लिग (एनपिएल) मा लिगबाटै बाहिरिने अवस्थामा पुगेको लुम्बिनी लायन्सलाई अप्रत्याशित पुनरागमनका साथ च्याम्पियन बनाउन स्पिनर शेर मल्लले गजबको प्रदर्शन गरे । एनपिएलमा १७ विकेट लिर्दै उदीयमान खेलाडी चुनिएका शेर विराटनगर किंग्सका कप्तान सन्दीप लामिछाने र सुदूरपश्चिम रोयल्सका तीव्र गतिका बलर अभिनाश बोहरासँग संयुक्त रुपमा सर्वाधिक विकेट लिने खेलाडी बने । पहिलो […]
