default_image

3 years ago

July 17, 2021

श्रीलंकामा स्पिन जोडीको जादू फर्कने भारतको आशा

एजेन्सी – सन् २०१७ मा भारतले श्रीलंका भ्रमण गर्दै पाँच ओडिआई सिरिजमा क्लिनस्विप गरेको थियो । उक्त पाँच ओडिआई सिरिजबाट भारतीय युवा स्पिनर कुलदीप यादव र युजभेन्द्र चहल (कुल चा) जोडीले पहिलो पटक एकसाथ खेलेका थिए । त्यसै वर्ष च्याम्पियन्स ट्रफीमा भारतीय स्पिनरले मध्यक्रममा विकेट लिन संघर्ष गरेपछि कप्तान विराट कोहलीले कुलदीप र चहललाई रणनीतिमा […]

54 views

0 Bookmark

एजेन्सी – सन् २०१७ मा भारतले श्रीलंका भ्रमण गर्दै पाँच ओडिआई सिरिजमा क्लिनस्विप गरेको थियो । उक्त पाँच ओडिआई सिरिजबाट भारतीय युवा स्पिनर कुलदीप यादव र युजभेन्द्र चहल (कुल चा) जोडीले पहिलो पटक एकसाथ खेलेका थिए ।

त्यसै वर्ष च्याम्पियन्स ट्रफीमा भारतीय स्पिनरले मध्यक्रममा विकेट लिन संघर्ष गरेपछि कप्तान विराट कोहलीले कुलदीप र चहललाई रणनीतिमा ल्याएका थिए । भारतीय टोलीको समस्यामा समाधान गर्नेक्रममा दुई स्पिनले अन्तर्राष्ट्रिय स्तरमा सर्वोत्कृष्ट प्रदर्शन गर्दै पहिलो रोजाईमा खेलेका थिए । रविचन्द्रन आश्विन र रविन्द्र जडेजाको स्थानमा यी दुई स्पिनर आएका थिए ।

सन् २०१७ देखि २०१९ सम्म ओडिआईमा कुलदीप र चहलले राज गरे । कुलदीप ४४ खेलमा ८७ विकेटका साथ शीर्षस्थानमा रहे । कुलदीप भन्दा अन्य बलर धेरै पछि थिए । उत्कृष्ट प्रदर्शन ६–२५ थियो । दोस्रो स्थानमा रहेका चहलले ३८ खेलमा ६६ विकेट लिएका थिए । त्यसपछि इंग्ल्यान्डमा आदिल राशिद र अफगानिस्तानका राशिद खानले ६२–६२ विकेट लिएका थिए ।

समग्रमा २०१७ देखि २०१९ सम्म ओडिआईमा कुलदीप र चहलले कुल १ सय ५३ विकेट लिएका थिए । यी दुई स्पिनको प्रदर्शन जादू जस्तै थियो । टि२० क्रिकेटमा पनि २०१७ देखि २०१९ सम्म सर्वाधिक विकेट लिने सूचिमा चहल र कुलदीपले समान ३५–३५ विकेटका साथ शीर्ष स्थानमा थिए । २०१९ को एकदिवसिय विश्वकपमा कुल चा जोडीको प्रर्दशन अपेक्षा अनुसार रहेन । कुलदीपले ७ खेलमा ६ र चहलले ८ खेलमा १२ विकेट लिन सके ।

विश्वकपमा इंग्ल्यान्डविरुद्ध यी दुई खेलाडीको प्रदर्शन सम्झनलायक थिएन । यी दुई स्पिनरले २० ओभरमा १ सय ६० रन खर्चेका थिए । चहलले ८८ र कुलदीपले ७२ रन खर्चेपछि इंग्ल्यान्डले भारतविरुद्ध ७ विकेटको क्षतिमा ३ सय ३७ रन बनाएको थियो । भारत उक्त खेलमा ३१ रनले पराजित भएको थियो । त्यो नै ‘कुल चा’ जोडीलेसँगै खेलेको अन्तिम ओडिआई खेल हो ।

त्यसपछि यी दुई खेलाडीसँगै खेलेका छैनन् । एक बेन्चमा बस्दा अर्को मैदान उत्रदै आएका छन् । कुलदीपको स्थानमा भारतले रविन्द्र जडेजालाई खेलाउँदै आएको छ । जडेजाले विश्वकपका अन्तिम दुई खेलमा मौका पाउँदा उत्कृष्ट प्रदर्शन गरेका थिए । भारत सेमिफाइनलमा न्युजिल्यान्डसँग पराजित भएपनि जडेजाले ७७ रनको उत्कृष्ट इनिङ खेल्दै धेरैको मन जितेका थिए ।

इंग्ल्यान्डविरुद्ध खेलपछि चहलले दुई वर्षको अवधिमा ७ र कुलदीपले १३ ओडिआई खेल खेलेका छन् । कुलदीपले अन्तिम ओडिआई गत मार्चमा पुनेमा इंग्ल्यान्डविरुद्ध थियो । इंग्ल्यान्डविरुद्ध पहिलो ओडिआईमा ६८ रन खर्चेर १ विकेट लिँदा दोस्रो खेलमा ८४ रन खर्चिदै विकेट विहिन बनेका थिए । चहलले गत नोभेम्बरमा अष्ट्रेलियाविरुद्ध सिड्नीमा खेलेयता अवसर पाएका छैनन् । अष्ट्रेलियाविरुद्ध पहिलो ओडिआई खेलमा चहलले ८९ रन खर्चेर एक विकेट लिएका थिए । दोस्रो खेलमा ७१ रन खर्चदा विकेट लिन सकेनन् ।

एकदिवसिय विश्वकपपछि चहलले १० र कुलदीपले १३ विकेट लिएका छन् । कुलदीप पाँच खेलमा विकेट विहिन छन् । विश्वकपपछि धोनीले भारतीय टोलीबाट सन्न्यास लिए । सर्वाधिक सफल विकेटकिपर धोनी नहुँदा त्यसको असर यी दुई स्पिनरमा परेको अनुमान गरिएको छ । किनभने धोनीले खराब समयमा राम्रो सल्लाह र सुझाव दिने गर्दथे ।

भारतले श्रीलंकासँग तीन ओडिआई र टि२० आई सिरिज खेल्दैछ । पहिलो ओडिआई खेल आईतबार प्रेमादासा स्टेडिय कोलोम्बोमा हुँदै छ । श्रीलंकाविरुद्ध ओडिआई खेलमा कुलदीप र युजभेन्द्रको जोडिले प्लेइङ–११ मा स्थान पाउने सम्भावना धेरै छ । कप्तान शिखर धवन र प्रशिक्षक राहुल द्रविडले यी दुई खेलाडीलाई मौका दिने अपेक्षा गरिएको छ ।

भारतले श्रीलंका भ्रमणमा दोस्रो रोजाईको टोली पठाएको छ । स्पिनरमा कुलदीप, चहलसँगै वरुण चक्रवर्ती, राहुल चाहर, कृष्णप्पा गौथम र क्रुनाल पान्ड्या छन् । गोवथम र पान्ड्या अलराउन्डरको कोटामा स्थान बनाएका हुन् । यी कुलदीप र चहलसँगै नखेल्दा एक अर्का प्रदर्शनमा पनि असर पर्दै आएको अनुमान गर्न सकिन्छ ।

राहुल र वरुण टि२० विशेष खेलाडी हुन् । ओडिआईमा कुलदीप र चहलको सम्भावना धेरै देखिन्छ । श्रीलंका टोली पछिल्लो समय खराब प्रदर्शन गर्दै आएको छ । निरन्तर संघर्ष गर्दै आएको छ । स्पिनरले त्यसको थप लाभ लिन सक्छन् ।

आगामी अक्टोबर नोभेम्बरमा टि२० विश्वकपमा स्थान बनाउन यो सिरिज निकै महत्त्वपूर्ण हुनेछ । भारत पनि यी दुई जोडीबाट उत्कृष्ट प्रदर्शन चाहन्छ । त्यसैले यी दुई स्पिनरलाई श्रीलंका भ्रमण आफ्नो लय र जोडी फर्काउने राम्रो अवसर हुने छ ।

(इएसपिएनको सहयोगमा)

March 28, 2024

सिइसी र धनगढी विजयी

सुमन अधिकारी,बुटवल नेपालका पूर्व अन्तराष्ट्रिय क्रिकेट खेलाडी शक्ति प्रसाद गौचनले बुबाको नामबाट आयोजना रुपन्देहीमा जारी छैंटौं खड्ग प्रसाद गौचन मेमोरियल यु—१९ क्रिकेट प्रतियोगिता–२०८० मा बिहीबार समुह बिका २ खेल सम्पन्न भएका छन् । जसमा पल्सर क्रिकेट एक्सलेन्स सेन्टर (सिइसी) , काठमाण्डौ र धनगढी क्रिकेट क्लब विजयी भएका छन् । पहिलो खेलमा पल्सर सिइसी काठमाण्डौले सेन्टर […]

March 28, 2024

नेपाल ‘ए’ सिरिजको खेल तालिका परिवर्तन

काठमाडौं (हाम्रो खेलकुद) – नेपाल क्रिकेट संघ (क्यान) ले वर्षाका कारण विहीबार हुने भनिएको टि२० खेल रद्द भएपछि आयरल्यान्ड वल्भ्सविरुद्ध सिरिजको खेल तालिका परिवर्तन गरेको छ । लगातार वर्षाका कारण मैदान भिजेपछि टियु अन्तर्राष्ट्रिय क्रिकेट मैदानमा पहिलो खेल रद्द भएको थियो । क्यानले खेल तालिका परिवर्तन गर्दै शुक्रबारदेखि टि२० सिरिज सुरु हुने बताएको छ । […]

March 28, 2024

नेपाल ‘ए’ र आयरल्यान्ड वल्भस बीचको पहिलो खेल रद्द

काठमाडौं (हाम्रो खेलकुद) – टियु क्रिकेट मैदानमा पाहुना टोली आयरल्यान्ड वल्भस र नेपाल ‘ए’ बीच आजदेखि सुरु हुन लागेको तीन खेलको टि-२० शृंखला अन्तर्गतको पहिलो खेल रद्द भएको छ । नेपाल क्रिकेट संघ (क्यान) ले वर्षाका कारण मैदान भिजेको हुनाले खेल रद्द भएको जानकारी दिएको छ । आइरिश टोलीले नेपाल ‘ए’ विरुद्ध ३ टि-२० र […]

Success

Thank you for your time.