एजेन्सी – भारतका युवा विकेटकिपर ब्याट्सम्यान ईशान किशन र सूर्यकुमार यादवले श्रीलंकासँगको पहिलो ओडिआई खेलमा डेब्यू गर्ने गर्दै छन् ।

कोलोम्बो स्थित आर प्रेमाडासा स्टेडियममा भएको टसमा श्रीलंका कप्तान दासुन शनाकाले जितेर पहिला गर्ने निर्णय लिएका छन् ।
सूर्य र ईशानले ओडिआई टोलीमा डेब्यू गरेका छन् । यी दुबै ब्याट्सम्यानले इन्डियन प्रिमियर लिग (आइपिएल) मुम्बई इन्डियन्सबाट खेल्दै सानदार प्रदर्शन गर्दै आएका छन् । ईशान गत मार्चमा इंग्ल्यान्डविरुद्ध टि२० आईमा डेब्यू गर्दै ५६ रनको इनिङ खेलेका थिए । सूर्यले पनि इंग्ल्यान्डविरुद्धनै टि२० आईमा डेब्यू गरेका थिए ।

टि२० मा यी दुई खेलाडीलेसँगै डेब्यू गरेका थिए । मुम्बईका यी दुई स्टार ब्याट्सम्यानले मध्यक्रम सम्हाल्ने छन् । भारतको ओपनिङ कप्तान शिखर धवन र पृथ्वी शाले गर्ने निश्चित भएको छ । स्पिनर कुलदीप यादव र युजभेन्द्र चहलको जोडी भारतीय टोलीमा फर्किएका छन् । २०१९ को एकदिवसिय विश्वकपपछि कुलदीप र चहलले ओडिआईमासँगै खेल्दै छन् । श्रीलंकाले भानुका राजपक्षेलाई ओडिआईमा डेब्यू दिएको छ । २९ वर्षिय भानुकाले श्रीलंकाबाट ७ टि२० आई खेल खेलि सकेका छन् ।

भारतको प्लेइङ ११: शिखर धवन, पृथ्वी शा, ईशान किशन, मनिष पाण्डे, सूर्यकुमार यादव, हार्दिक पान्ड्या, क्रुनाल पान्ड्या, दीपक चहर, भुवनेश्वर कुमार, युजभेन्द्र चहल र कुलदीप यादव ।

श्रीलंका प्लेइङ ११ : अविष्का फ्रेनान्डो, मिनोद भानुका (विकेटकिपर), भानुका राजपक्षे, धनन्जय डि सिल्भा, चरिथ असालंका, दासुन शनाका(कप्तान), वानिन्दु हसरंगा, चामिका करुणारत्ने, ईसुरु उडाना, दुश्मन्था चामिरा र लक्शान शनदाकन ।

हेड टु हेड :

यी दुई देशबीच कुल १ सय ५९ ओडिआई खेल भएको छ । भारत ९१ खेलमा विजयी हुँदा ५६ खेलमा पराजित भएको छ । पछिल्लो पटक भारतले २०१७ मा श्रीलंका भ्रमण गरेको थियो । उक्त पाँच ओडिआई खेलको सिरिजमा भारतले क्लिनस्विप गरेको थियो । पछिल्ला पाँच ओडिआई खेलमा भारत चार खेलमा विजयी र एक खेलमा पराजित भएको छ । पछिल्ला पाँच अन्तर्राष्ट्रिय ओडिआई खेलमा श्रीलंकाले एक मात्र जित निकालेको छ । भारतले पाँच मध्य तीनमा जित हात पारेको छ ।