एजेन्सी – इंग्ल्यान्डका ब्याट्सम्यान एलेक्स ब्लेकले असोजमा हुने चौथो संस्करणको एभरेष्ट प्रिमियर लिग (इपिएल) ललितपुर प्याट्रियटर्सबाट खेल्ने भएका छन् । ललितपुरले बुधबार एक प्रेस विज्ञप्ति जारी गर्दै ३२ वर्षिय मध्यक्रमका ब्याट्सम्यान एलेक्स टोलीमा भित्रिएको जनाएको छ ।

बायाँ हाते ब्याट्सम्यान उनले ४६ प्रथम श्रेणी, १ सय ६ लिष्ट ए र १ सय ४० टि२० खेल खेलेका छन् । उनले टि२० क्रिकेटमा नौं अर्धशतक सहित कुल १ हजार ८ सय ९० रन बनाएका छन् । उत्कृष्ट प्रदर्शन ७१ रन अविजित छ । उनले घरेलु क्रिकेट इंग्ल्यान्डको चर्चित क्लब केन्टबाट खेल्ने गर्दछन् । उनले इंग्ल्यान्डको यू१९ टोलीबाट पनि खेलि सकेका छन् ।

ललितपुर गतवर्ष विदेशी खेलाडीको रुपमा पाकिस्तानका हमाद हसन, हसन खान, मिर हाम्जा र श्रीलंका बायाँ हाते ओपनर उपुल थरंगालाई अनुबन्ध गरेको थियो । तर कोरोना कारण समयमै इपिएल हुन सकेन । साविक विजेता ललितपुरमा ज्ञानेन्द्र मल्ल, सन्दीप जोरा, पवन सरार्फ, कुशल भुर्तेल, सोनु तामाङ र योगेन्द्रसिंह कार्की लगायतका खेलाडी छन् । ट्यालेन्ट हन्टबाट बिभत्सु थापा र अरियो पौडेल छानिएका थिए ।

इपिएल आगमी असोज ९ देखि २३ सम्म टियु मैदानमा हुने छ । काठमाडौं किंग्स इलेभेनले पाकिस्तानका शाहिद अफ्रिदी, भैरहवा ग्ल्याडियटर्सले दीनेश चान्डिमल, चितवन टाइगर्सले अफगानिस्तानक दनिस अजिज र अफगानिस्तानका मोहम्मद शाहजाद विदेशी खेलाडीको रुपपा सार्वजनिक गरि सकेका छन् । पोखरा राइनोज, विराटनगर वारियर्स भने विदेशी खेलाडी सार्वजनिक गरेका छैनन् ।