2 years ago
November 4, 2021
एजेन्सी – स्पिनर एडम जाम्पाले ५ विकेट लिँदै तल्लोक्रमलाई धराशायी पारेपछि आइसीसी टि२० विश्वकपको सुपर १२ अन्तर्गत समूह १ को खेलमा अष्ट्रेलियाले बंगलादेशलाई ७३ रनमा अलआउट गरेको छ । पहिलो ब्याटिङको निम्तो पाएको बंगलादेशले दुबईमा १५ ओभर ब्याटिङ गर्दै ७३ रनमा आफ्नो सबै विकेट गुमायो । पहिलो ओभरमा नै मिचेल स्टार्कले लिटन दासलाई गोल्डेन डकमा […]
एजेन्सी – स्पिनर एडम जाम्पाले ५ विकेट लिँदै तल्लोक्रमलाई धराशायी पारेपछि आइसीसी टि२० विश्वकपको सुपर १२ अन्तर्गत समूह १ को खेलमा अष्ट्रेलियाले बंगलादेशलाई ७३ रनमा अलआउट गरेको छ ।
पहिलो ब्याटिङको निम्तो पाएको बंगलादेशले दुबईमा १५ ओभर ब्याटिङ गर्दै ७३ रनमा आफ्नो सबै विकेट गुमायो । पहिलो ओभरमा नै मिचेल स्टार्कले लिटन दासलाई गोल्डेन डकमा बोल्ड गरेका थिए । दोस्रो ओभरमा जोश हेजलवुडले सौम्य सरकारलाई ५ रनमा बोल्ड गर्दै विकेट पतनको सिलसिला जारी राखे । तेस्रो ओभरमा मुश्फिकुर रहमान १ रन जोड्दै ग्लेन म्याक्स्वेलको एलबीडब्लु धरापमा परे । तेस्रो ओभरमा टोली १०-३ को स्थितिमा थियो ।
ओपनर मोहमद नाइमले १६ बलमा ३ चौका सहित १७ रन जोडेपनि उनी छैटौं ओभरमा हेजलवुडको शिकार बने । त्यसपछि स्पिनर एडम जाम्पाले लगातार विकेट लिँदै बंगलादेशका ब्याट्सम्यानलाई टिक्न दिएनन् । उनले अफिफ होसेन (०), शमिम होसेन (०), मेहेदी हसन (०), मुस्ताफिजुर रहमान (४) र सोरिफुल इस्लाम (०) को विकेट लिए । कप्तान महमुदुल्लाहले १८ बलमा २ चौकासहित १६ रन जोडेपनि टोलीलाई सम्मानजनक योगफलसम्म पुर्याउन सकेनन् । उनी १३ औं ओभरमा स्टार्कको शिकार बनेपछि टोली ६५-८ को स्थितिमा थियो ।
यस खेलमा जित हासिल गरे अष्ट्रेलियाको सेमिफाइनल पुग्ने सम्भावना बलियो हुनेछ । यस समूहमा इंग्ल्यान्ड ८ अंकसहित शीर्षस्थानमा रहँदा दक्षिण अफ्रीका ६ अंकसहित दोस्रोमा छ । आजको खेल ८.१ ओभरअघि जिते अष्ट्रेलियाको ६ अंक जोड्दै नेट रनरेटमा दक्षिण अफ्रीकाभन्दा माथि हुनेछ । आज हुने दोस्रो खेलमा श्रीलंका र वेस्ट इन्डिज खेल्दैछन् ।
April 28, 2024
काठमाडौँ (हाम्रो खेलकुद) – वेस्ट इन्डिज ‘ए’ टोलीविरुद्धको दोस्रो टि२० खेलमा नेपाली राष्ट्रिय क्रिकेट टोली पराजित भएको छ । पहिलो खेलमा ४ विकेटको हार बेहोरेको वेस्ट इन्डिजले नेपाललाई दोस्रो खेलमा १० रनले पराजित गर्दै शृंखलामा १-१ को बराबरी गरेको हो । पाहुना टोलीले दिएको १६१ रनको मध्यम लक्ष्य पछ्याएको नेपालले निर्धारित २० ओभरमा ९ विकेट […]
April 28, 2024
काठमाडौँ (हाम्रो खेलकुद) – नेपाली राष्ट्रिय क्रिकेट टोलीलाई वेस्ट इन्डिज ‘ए’ टोलीले दोस्रो टि२० खेलमा जितको लागि मध्यम लक्ष्य दिएको छ । टियु क्रिकेट मैदानमा टस जितेर पहिला ब्याटिङ गर्ने निर्णय लिएको वेस्ट इन्डिज ‘ए’ ले नेपाललाई १ सय ६१ रनको लक्ष्य पेश गरेको छ । वेस्ट इन्डिजका लागि आन्द्रे फ्लेचरले ३६ बलमा ३ छक्कासहित […]
April 28, 2024
काठमाडौं (हाम्रो खेलकुद) – नेपाली राष्ट्रिय क्रिकेट टोली र वेस्ट इन्डिज ए बीच दोस्रो टि२० खेल आज हुँदैछ । वेस्ट इन्डिजले टस जितेर पहिलो ब्याटिङ गर्दैछ । नेपालले पहिलो फिल्ड गर्नेछ । नेपाली टोलीले पहिलो खेलबाट ५ परिवर्तन गरेको छ । लोकेश बम, आरिफ शेख, सोमपाल कामी, आकाश चन्द र सागर ढकालले आज खेल्दैछन् । […]