एजेन्सी – आइसिसी टि२० विश्वकप २०२१ मा सुपर १२ मा एसोसियट टोली स्कटल्यान्डले भारतसँग खेल्दैछ । खेल नेपाली समय अनुसार साँझ ७ : ४५ मा दुबई इन्टरनेशल क्रिकेट स्टेडियममा सुरुहुनेछ ।

शीर्ष दुईमा रहेर सेमिफाइनल खेल्ने झिनो अंक गणीतिय सम्भावना बचाई राख्न भारतलाई आजको खेलमा विशाल जितको आवश्यक पर्दछ । अन्तिम खेलमा भारतले सोमबार नामिबियासँग खेल्नेछ । यी दुई खेलमा भारतलाई विशाल जितको आवश्यक पर्दछ । तर न्युजिल्यान्डले बाँकी दुई खेल मध्य एक खेलमा हार्नै पर्ने हुन्छ ।

न्युजिल्यान्डले आजनै नामिबियासँग खेल्दैछ । अन्तिम खेलमा आइतबार अफगानिस्तानविरुद्ध खेल्नेछ । न्युजिल्यान्ड दुबै खेलमा विजयी हुँदा भारत बाहिरिने छ । न्युजिल्यान्डले एक खेल हार्दा पनि नेटरनरेटको कारण भारतको सम्भावना कम छ । पाकिस्तान सुरुवाती ४ खेलमा ४ मानै जितका साथ सेमिफाइनलमा पुगि सकेको छ । भारत पहिलो खेलमा पाकिस्तानसँग १० विकेट र दोस्रो खेलमा न्युजिल्यान्डसँग ८ विकेटले पराजित भएको थियो ।

तेस्रो खेलमा अफगानिस्तानलाई ६६ रनले हराउँदै झिनो आशा जीवित राखेको थियो । अफगानिस्तानविरुद्ध भारतले राम्रो ब्याटिङ गर्दै २ सय १० रन बनाएको थियो । ओपनर रोहित शर्मा र लोकेश राहुलले पहिलो विकेटका लागि १ सय ४० रनको उत्कृष्ट साझेदारी गरेका थिए ।
राहुल ६९ र रोहित ७४ रन बनाएका थिए । प्रमुख ब्याटरको लय फर्किनु भारतको लागि सकरात्मक कुरा हो । ऋषभ पन्त र हार्दिक पान्ड्याले पनि राम्रो प्रदर्शन गरेका थिए ।

बलिङमा स्पिनर रविचन्द्रन आश्विन र तीव्र गतिका बलर मोहम्मद शामीले राम्रो बलिङ गरेका थिए । शार्दुल ठाकुरको स्थानमा भुवनेश्वर कुमारलाई मौका दिनसक्छ । जस्प्रित बुमराहबाट उत्कृष्ट प्रदर्शन चाहन्छ । मध्यक्रमका सूर्यकुमार यादव र विराट कोहलीबाट भारत उत्कृष्ट प्रदर्शनका साथ विशाल योगफल चाहन्छ । भारतको लक्ष्य आजको खेलमा पहिला ब्याटिङ गर्दै विशाल योगफल बनाउने हुनेछ ।

स्कटल्यान्ड भने सुपर १२ बाट बाहिरी सकेको छ । स्कटल्यान्ड पहिलो खेलमा अफगानिस्तानसँग १ सय ३० रन, नामिबियासँग ४ विकेट र न्युजिल्यान्डसँग १६ रनले पराजित भएको थियो । पछिल्लो खेलमा न्युजिल्यान्डसँग गरेको प्रदर्शनले मनोबल उच्च छ । स्कटल्यान्डका ओपनर जर्ज मुन्शे र म्याथ्यु क्रस प्रमुख ब्याटर हुन् ।

यी दुई ब्याटर चलेको खण्डमा भारतलाई कठिन पर्नसक्छ । कप्तान काइल कोट्जर, कलुम म्याकलड र माइकल लीस्क र रिची बेरिङ्टन मध्यक्रमका ब्याटर हुन् । तीव्र गतिका बलर ब्रडाली ब्हील र शफ्यान शफारीले न्युजिल्यान्डविरुद्ध राम्रो बलिङ गरेका थिए । स्पिनर मार्क वाटले पनि राम्रो प्रदर्शन गर्दै आएका छन् ।

हेड टु हेड :

भारत र स्कटल्यान्डबीच हालसम्म टि२० आई खेल भएको छैन । २००७ को टि२० विश्वकपमा सँगै भएपनि वर्षाको कारण खेल हुन सकेको थिएन । स्कटल्यान्डको लागि भारतविरुद्धको खेल एक महत्वपूर्ण हुनेछ ।

न्युजिल्यान्ड बाँकी दुई मध्य एक खेलमा पराजित भएमा नेटरनरेटमा निर्भर रहनेछ । अफगानिस्तान ४ खेलमा २ मा जित र २ मा हार सहित ४ अंकका साथ दोस्रो स्थानमा छ । अफगानिस्तानको नेटरनरेट प्लस १.४८१ छ । न्युजिल्यान्ड ३ खेलमा २ मा जित र १ मा हार सहित ४ अंकका साथ तेस्रो स्थानमा छ । न्युजिल्यान्डको नेटरनरेट प्लस ०.८१६ छ । भारतको ३ खेलमा २ मा जित र १ मा हार सहित २ अंकका साथ प्लस ०.०७३ मात्र छ । त्यसैले भारतलाई विशाल जितको दबाब छ ।

अंक तालिका

सुपर १२ को समूह १ मा इंग्ल्यान्ड ४ खेलमा ४ मानै जितका साथ ८ अंक जोड्दै शीर्षस्थानमा छ । इंग्ल्यान्ड सेमिफाइनलमा पुगि सकेको छ । अष्ट्रेलिया ४ खेलमा ३ मा जित र १ मा हार सहित ६ अंकका साथ तेस्रो स्थानमा छ । अष्ट्रेलियाको नेटरनरेट प्लस १.०३१ छ । दक्षिण अफ्रिकाको ४ खेलमा ३ मा जित र १ मा हार सहित समान ६ अंक भएपनि रनरेटका कारण तेस्रो स्थानमा छ । दक्षिण अफ्रिकाको नेटरनरेट प्लस ०.७४२ छ । श्रीलंका ५ खेलमा २ मा जित र ३ मा हार सहित चौथो स्थानमा रहेर बाहिरिएको छ । वेस्टइन्डिज ४ खेलमा १ मा जित र ३ मा हार सहित पाँचौ स्थानमा रहेर बाहिरिएको छ। बंगलादेश ५ खेलमा ५ मानै हारका साथ बाहिरि सकेको छ ।

सुपर १२ को समूह २ मा पाकिस्तान ४ खेलमा ४ मानै जितका साथ शीर्ष स्थानमा छ । पाकिस्तान सेमिफाइनलमा पुगि सकेको छ । अफगानिस्तान ३ खेलमा २ मा जित र १ मा हार सहित दोस्रो स्थानमा छ । न्युजिल्यान्ड ३ खेलमा २ मा जित र १ मा हार सहित नेटरनरेटको आधारमा तेस्रो स्थानमा छ । नामिबिया ३ खेलमा १ मा जित र २ मा हार सहित पाँचौं स्थानमा छ । भारत ३ खेलमा १ मा जित र २ मा हारका साथ चौथो स्थानमा छ । स्कटल्यान्ड सुरुवाती ३ खेलमा हारका साथ बाहिरिएको छ ।