एजेन्सी – आइसिसी टि२० विश्वकप २०२१ मा सुपर १२ मा भारतले स्कटल्यान्डविरुद्ध पहिला फिल्डिङ गर्ने भएको छ । दुबई इन्टरनेशल क्रिकेट स्टेडियममा भारतका कप्तान विराट कोहलीले टस जितेर पहिला फिल्डिङ गर्ने निर्णय लिएका छन् ।

भारतले आजको खेलमा टोलीमा एक परिवर्तन गरेको छ । तीव्र गतिका बलर शार्दुल ठाकुरको स्थानमा स्पिनर बरुण चक्रवर्तीलाई मौका लिएको छ । स्कटल्यान्डले भने टोलीमा कुनै परिवर्तन गरेको छैन ।

शीर्ष दुईमा रहेर सेमिफाइनल खेल्ने झिनो अंक गणीतिय सम्भावना बचाई राख्न भारतलाई आजको खेलमा विशाल जितको आवश्यक पर्दछ । अन्तिम खेलमा भारतले सोमबार नामिबियासँग खेल्नेछ । यी दुई खेलमा भारतलाई विशाल जितको आवश्यक पर्दछ । तर न्युजिल्यान्डले अन्तिम खेलमा आइतबार अफगानिस्तानसँग पराजित भएमा मात्र नेटरनरेटको सम्भावना छ ।

पाकिस्तान सुरुवाती ४ खेलमा ४ मानै जितका साथ सेमिफाइनलमा पुगि सकेको छ । भारत पहिलो खेलमा पाकिस्तानसँग १० विकेट र दोस्रो खेलमा न्युजिल्यान्डसँग ८ विकेटले पराजित भएको थियो । तेस्रो खेलमा अफगानिस्तानलाई ६६ रनले हराउँदै झिनो आशा जीवित राखेको थियो ।

स्कटल्यान्ड भने सुपर १२ बाट बाहिरी सकेको छ । स्कटल्यान्ड पहिलो खेलमा अफगानिस्तानसँग १ सय ३० रन, नामिबियासँग ४ विकेट र न्युजिल्यान्डसँग १६ रनले पराजित भएको थियो । पछिल्लो खेलमा न्युजिल्यान्डसँग गरेको प्रदर्शनले मनोबल उच्च छ ।

भारतको प्लेइङ ११ :

विराट कोहली (कप्तान), रोहित शर्मा, लोकेश राहुल, सूर्यकुमार यादव, ऋषभ पन्त (विकेटकिपर), हार्दिक पान्ड्या, रविन्द्र जडेजा, बरुण चक्रवर्ती, जस्प्रित बुमराह, रविचन्द्रन आश्विन र मोहम्मद शामी ।

स्कटल्यान्डको प्लेइङ ११ :

जर्ज मुन्शे, काइल कोट्जर (कप्तान), म्याथ्यु क्रस (विकेटकिपर), रिची बेरिंगटन, कलुम म्याकलड, माइकल लीस्क, क्रिस ग्रीभ्स, मार्क वाट, शफ्यान शारिफ, अलेस्डेयर इवांस र ब्राडली व्हील ।