एजेन्सी – आइसिसी टि२० विश्वकप २०२१ को सुपरर १२ समूह १ मा रहेको वेस्टइन्डिजले अष्ट्रेलियालाई १ सय ५८ रनको मध्यम विजयी लक्ष्य दिएको छ ।

शेख जायद स्टेडियम आबूधाबीमा टस हारेर ब्याटिङ थालेको वेस्टइन्डिजले निर्धारित २० ओभरमा ७ विकेट गुमाउँदै १ सय ५७ रन बनायो । वेस्टइन्डिजका कप्तान काइरन पोलार्डले ३१ बलमा ४ चौका र १ छक्का सहित सर्वाधिक ४४ रनको योगदान दिए । शिम्रन हेटमायर २८ बलमा २ चौका सहित २७ रन बनाए । आन्द्रे रसेल ७ बलमा १ चौका र २ छक्का सहित १८ रनमा अविजित रहे । ओपनर इविन लेविस २६ बलमा ५ चौका सहित २९ रन बनाउँदै आउट भएका थिए ।

क्रिस गेल १५, निकोलस पुरन ४, रोश्टन चेश शून्य र ड्वेन ब्राभो १० रनमा आउट भए । अष्ट्रेलिया जोश हेजलवुडले ४ ओभरमा ३९ रन खर्चेर सर्वाधिक ४ विकेट लिए । मिचेल स्टार्क, प्याट कमिन्स र एडम जाम्पाले १–१ विकेट लिए । अष्ट्रेलियालाई सेमिफाइनलमा पुग्न जित्नै पर्ने हुन्छ । वेस्टइन्डिज प्रतियोगिताबाट बाहिरी सकेको छ ।

अष्ट्रेलियाले आफ्नो समूह चरणको अन्तिम खेलमा वेस्टइन्डिजलाई हराएर मात्र सेमिफाइनलमा भने पुग्न सक्दैन । आजनै हुने अर्को खेलमा इंग्ल्यान्डले दक्षिण अफ्रिकालाई हराउनु पर्ने हुन्छ । अष्ट्रेलिया विजयी हुँदा उता इंग्ल्यान्डले हारेको खण्डमा भने नेटरनरेटमा निर्भर रहनेछ । त्यसैले अष्ट्रेलियालाई विशाल जितको दबाब पनि रहनेछ ।