2 years ago
December 19, 2021
काठमाडौं (हाम्रो खेलकुद)– बंगलादेशमा यसै साता सुरु हुने एभिसी एसियन सेन्ट्रल जोन महिला तथा पुरुष भलिबल च्याम्पियनसिपमा भाग लिन नेपाली दुवै टोली सोमबार त्यसतर्फ जाँदैछन् । नेपाल भलिबल संघले आइतबारले दुवै टोलीलाई आइतबार विदाई गर्यो ।
युवा तथा खेलकुद मन्त्री महेश्वरजंग गहतराजले टोलीलाई विदाई गर्दै सफलताको कामना गरे । पुस ६ देखि १४ गते सम्म सञ्चालन हुने प्रतियोगितामा पुरुषतर्फ ६ र महिलातर्फ ५ टोलीको सहभागिता रहने बताइएको छ । महिलातर्फ नेपाल साविक विजेता हो ।
महिला टोलीमा सेटर कृपा अधिकारी र मिडल ब्लकर मनिषा चौधरीले पूनरागमन गरेका छन । यस्तै यसअघिको प्रशिक्षणमा रहेपनि शान्ति थारु र कामना विष्ट र लक्ष्मी चन्द पहिलोपटक राष्ट्रिय टोली समेटिएका छन् । शान्ति आर्मीको तथा कामना र लक्ष्मीले नेपाल पुलिसबाट व्यवसायिक खेल खेल्दै आइरहेकी छन् ।
त्यस्तै पुरुषतर्फ स्पाइकर मानबहादुर श्रेष्ठ र मिडल ब्लकर भैरव बमले पुनरागमन गरेका छन् । मानबहादुरले सन् २०१९ मा भएको १३ औं दक्षिण एसियाली खेलकुदमा बीच भलिबल खेल्दा नेपालमै भएको एभिसी सेन्ट्रल जोनमा टोलीमा समावेश रहेका थिएनन् ।
त्यसयता घरेलु भलिबलमा उत्कृष्ट प्रदर्शन गर्दै आएका उनले टोलीमा पुनरागमन गर्न सफल भए । भैरवले आर्मीबाट दोस्रो रोजाइमा रहँदै आएपनि प्रशिक्षणमा राम्रो प्रदर्शन गरेपछि टोलीमा परेका हुन् । सोही प्रतियोगिता खेलाउँन नेपाली दुई रेफ्री विजय केसी र पूर्ण चौलागाई पनि टोलीसँग बंगलादेश जानेछन् ।
महिला टोली
प्रतिभा माली, सरस्वती चौधरी, शान्ति थारु, उषा भण्डारी, साफिया पुन, सुनिता खड्का, मनिषा चौधरी, कामना विष्ट, लक्ष्मी चन्द, सलिना श्रेष्ठ, अरुणा शाही र कृपा अधिकारी ।
पुरुष टोली
इम बहादुर राना, हरि हजुर थापा, मानबहादुर श्रेष्ठ, धनबहादुर भट्ट क्षेत्री, राजेन्द्र विष्ट, टेकराज अवस्थी, हरि बहादुर अधिकारी, दुर्गा बहादुर खड्का, भैरव बम, विशाल विक, सरन सामरी क्षेत्री, विनोद चन्द ।
May 19, 2024
एजेन्सी – चेन्नाई सुपर किंग्सलाई पराजित गर्दै रोयल च्यालेनजर्स बेंगलूरु (आरसीबी) इंडियन प्रिमियर लिग (आईपिएल) को प्लेअफमा पुग्न सफल भएको छ । लिग चरणको आफ्नो अन्तिम खेलमा शनिबार चेन्नाई माथि २७ रनको जित दर्ता गर्दै आरसीबी प्लेअफका लागि छनोट भएको हो । पहिलो ८ खेलमा १ खेल मात्र जितेको आरसीबीले त्यसपछिका लगातार ६ खेल जित्दै […]
May 18, 2024
काठमाडौं (हाम्रो खेलकुद) – विश्वकप तयारीका लागि सेन्ट भिन्सेन्ट एण्ड द ग्रेनाडिन्स पुगेको नेपाली टोलीले विनवार्ड्स भोलक्यानोज विरुद्धको तेस्रो तथा अन्तिम अभ्यास खेलमा टस हारेको छ । घरेलु टोलीका कप्तानले टस जितेर ब्याटिङ गर्ने निर्णय गरेपछि नेपालले पहिला फिल्डिङ गर्ने भएको छ । नेपालले टोलीमा तीन परिवर्तन गरेको छ । पछिल्लो खेल खेलेका ललित राजवंशी, दीपेन्द्र […]
May 18, 2024
ललितपुर (हाम्रो खेलकुद) – काठमाडौं महानगरपालिकाले गोदावरी प्रथम उपत्यकाब्यापी अन्तर पालिका मेयर कप फुटबल प्रतियोगिताको उपाधि जितेको छ । प्रस्तावित गोदावरी बहुउदेश्यीय रंगशालाको झ्यालुन्टार मैदानमा शनिबार भएको फाइनलमा चन्द्रागिरी नगरपालिकालाई २–१ गोल अन्तरले हराउँदै काठमाडौं च्याम्पियन बनेको हो । काठमाडौंका लागि अखिलेष कार्की र दीपेश श्रेष्ठले गोल गरे । उपाधिका साथ काठमाडौंले ५ लाख रुपैयाँ […]