2 years ago
December 24, 2021
काठमाडौं (हाम्रो खेलकुद) – एभिसी एसियन सेन्ट्रल जोन महिला तथा पुरुष भलिबल च्याम्पियनसिपको पुरुषतर्फ नेपालले पहिलो जित दर्ता गरेको छ । नेपालले उज्वेकिस्तानलाई ३–१ को सेटमा पराजित गर्दै च्याम्पियनसिपमा पहिलो जित दर्ता गरेको हो । गत संस्करणको उपविजेता समेत रहेको उज्बेकिस्तानविरुद्ध नेपालले उत्कृष्ट प्रदर्शनका साथ पुनरागमन जित हासिल गरेको हो । बंगलादेशको ढाका मिरपुरस्थित शाहिद […]
काठमाडौं (हाम्रो खेलकुद) – एभिसी एसियन सेन्ट्रल जोन महिला तथा पुरुष भलिबल च्याम्पियनसिपको पुरुषतर्फ नेपालले पहिलो जित दर्ता गरेको छ ।
नेपालले उज्वेकिस्तानलाई ३–१ को सेटमा पराजित गर्दै च्याम्पियनसिपमा पहिलो जित दर्ता गरेको हो । गत संस्करणको उपविजेता समेत रहेको उज्बेकिस्तानविरुद्ध नेपालले उत्कृष्ट प्रदर्शनका साथ पुनरागमन जित हासिल गरेको हो ।
बंगलादेशको ढाका मिरपुरस्थित शाहिद शुरवार्दी इन्डोर स्टेडियममा शुक्रबार भएको खेलमा नेपालले पहिलो सेट १८–२५ ले गुमाएको थियो । दोस्रो सेटमा २५–२१ र तेस्रो सेट २५–१८ ले सहजै जितेको नेपालले प्रतिस्पर्धात्मक चौथो सेटमा २५–२३ को जित निकाल्न सफल भयो ।
यसअघि नेपाल आयोजक बंगलादेशसँग ३–० को सोझो सेटमा पराजित भएको थियो । पुरुषतर्फ आयोजक बंगलादेश, माल्दिभ्स, नेपाल, श्रीलंका र उज्वेकिस्तान गरी पाँच राष्ट्रको सहभागिता रहेको छ ।
यसैगरी महिलातर्फ शुक्रबार विहान नेपालले लगातार दोस्रो जित निकालेको थियो । नेपालले माल्दिभ्सलाई ३–० को सोझो सेटमा पराजित गर्दै च्याम्पियनसिपमा लगातार दोस्रो जित निकालेको हो । यसअघि नेपालले बिहीबार भएको खेलमा श्रीलंकामाथि ३–२ को रोमाञ्चक पूनरागमन जित निकालेको थियो ।
ढाका मिरपुरस्थित शाहिद शुरवार्दी इन्डोर स्टेडियममा शुक्रबार भएको खेलमा नेपालले पहिलो सेट २५–११ ले आफ्नो पक्षमा पारेको थियो । दोस्रो सेटमा २५–९ को एकपक्षीय जित निकालेको नेपालले तेस्रो सेटमा २५–५ को सेटमा पराजित गर्न सफल भयो ।
तुलनात्मक रुपमा कमजोर माल्दिभ्सविरुद्ध प्रशिक्षक जगदिश प्रसाद भट्टले प्रतिभा माली र सरस्वती चौधरीजस्ता चर्चित खेलाडीलाई पहिलो र दोस्रो सेटमा विश्राम दिएको थियो । तेस्रो सेटमा सरस्वती र प्रतिभालाई मैदानमा उतार्दा नेपालले एकपक्षीय अंक जोड्दै जित निकाल्न सफल भएको थियो ।
लगातार दोस्रो जितसँगै नेपालको फाइनल पुग्ने सम्भावना बलियो बनेको छ । नेपालको दुई खेलबाट ५ अंक पुगेको छ । अब नेपाली महिला टोलीले २५ डिसेम्वरमा घरेलु टोली बंगलादेशसँग तथा लिगको अन्तिम खेलमा उज्वेकिस्तानसँग खेल्ने तालिका छ ।
महिलातर्फ आयोजक बंगलादेश, किर्गिस्तान, माल्दिभ्स, नेपाल, श्रीलंका र उज्वेकिस्तान गरी ६ राष्ट्रको सहभागिता छ । राउन्ड रोबिनको आधारमा हुने प्रतियोगिताको शीर्ष दुई टोलीले फाइनलमा प्रतिस्पर्धा गर्नेछन् । त्यस्तै, तेस्रो र चौथो टोलीले तेस्रो स्थानको लागि प्रतिस्पर्धा गर्नेछ । फाइनल २९ डिसेम्वरमा हुनेछ ।
April 28, 2024
काठमाडौँ (हाम्रो खेलकुद) – वेस्ट इन्डिज ‘ए’ टोलीविरुद्धको दोस्रो टि२० खेलमा नेपाली राष्ट्रिय क्रिकेट टोली पराजित भएको छ । पहिलो खेलमा ४ विकेटको हार बेहोरेको वेस्ट इन्डिजले नेपाललाई दोस्रो खेलमा १० रनले पराजित गर्दै शृंखलामा १-१ को बराबरी गरेको हो । पाहुना टोलीले दिएको १६१ रनको मध्यम लक्ष्य पछ्याएको नेपालले निर्धारित २० ओभरमा ९ विकेट […]
April 28, 2024
काठमाडौँ (हाम्रो खेलकुद) – नेपाली राष्ट्रिय क्रिकेट टोलीलाई वेस्ट इन्डिज ‘ए’ टोलीले दोस्रो टि२० खेलमा जितको लागि मध्यम लक्ष्य दिएको छ । टियु क्रिकेट मैदानमा टस जितेर पहिला ब्याटिङ गर्ने निर्णय लिएको वेस्ट इन्डिज ‘ए’ ले नेपाललाई १ सय ६१ रनको लक्ष्य पेश गरेको छ । वेस्ट इन्डिजका लागि आन्द्रे फ्लेचरले ३६ बलमा ३ छक्कासहित […]
April 28, 2024
काठमाडौं (हाम्रो खेलकुद)– कर्णाली प्रदेशले महिला लिग छनोटमा तेस्रो जित हासिल गरेको छ । घरेलु मैदानमा कर्णालीले लुम्बिनी प्रदेशलाई ४–१ ले हराएको हो । सुर्खेतस्थित कर्णाली प्रदेश रंगशालामा भएको खेलमा घरेलु टोलीलाई जित दिलाउन सुनकला राईले २, वर्षा ओली र सन्जिता बम्जोङले समान १ गोल गरे । लुम्बिनकी कप्तान ममता पुनले गोल फर्काइन् । १८ […]