2 years ago
January 13, 2022
पोखरा (हाम्रो खेलकुद) – विभागीय त्रिभुवन आर्मी क्लबले दोस्रो संस्करणको टाइगर कप आमन्त्रित खुल्ला क्लब च्याम्पियनसिप महिला तथा पुरुष भलिबल प्रतियोगितामा महिलातर्फ आयोजक टाइगर ग्रुप अफ पोखरालाई पराजित गर्दै फाइनल पुग्ने सम्भावना जीवित राखेको छ । आर्मीले टाइगरमाथि ३–१ को सेटमा जित निकाल्दै फाइनल पुग्ने सम्भावना बलियो बनाएको हो । आर्मीले २५–२२, २५–१९, १६–२५ र […]
पोखरा (हाम्रो खेलकुद) – विभागीय त्रिभुवन आर्मी क्लबले दोस्रो संस्करणको टाइगर कप आमन्त्रित खुल्ला क्लब च्याम्पियनसिप महिला तथा पुरुष भलिबल प्रतियोगितामा महिलातर्फ आयोजक टाइगर ग्रुप अफ पोखरालाई पराजित गर्दै फाइनल पुग्ने सम्भावना जीवित राखेको छ ।
आर्मीले टाइगरमाथि ३–१ को सेटमा जित निकाल्दै फाइनल पुग्ने सम्भावना बलियो बनाएको हो । आर्मीले २५–२२, २५–१९, १६–२५ र २६–२४ को जित निकाल्न सफल भयो । जितपछि आर्मीको ३ खेलबाट ६ अंक पुगेको छ । टाइगरले ३ खेल खेल्दा अंकको खाता खोल्न सकेको छैन ।
न्यु डायमन्ड र नेपाल पुलिस क्लबबीचको खेल लाइट प्रोटेस्टका कारण स्थगित भएको छ । चौथो सेटमा पुलिस ११–८ ले अग्रता लिदा रेफ्रीले दुवै टोलीसँगको छलफलपछि खेल स्थगित गरेको थियो । खेलमा डायमन्ड २–१ को सेटमा अग्रता लिइरहेको थियो । पहिलो सेट २३–२५ ले गुमाएको डायमन्डले त्यसपछिको दुई सेट क्रमश २५–२१ र २५–१७ को सेटमा जित निकालेको थियो ।
बिहीबार पुरुषतर्फ भएको खेलमा आर्मीले साविक विजेता गण्डकी प्रदेशमाथि ३–१ को सेटमा जित निकाल्दै फाइनल पुग्ने सम्भावना जीवित राखेको छ । पहिलो सेटमा आर्मी २५–१५ ले विजयी भएको थियो । दोस्रो सेट २०–२५ ले गुमाएको आर्मीले तेस्रो सेट २५–१५ ले नै आफ्नो पक्षमा पार्दै खेलमा फर्किएको थियो । प्रतिस्पर्धात्मक बनेको चौथो सेटमा आर्मीले २४–२३ को अवस्थाबाट दुई अंक जोड्दै २६–२४ को जित निकाल्न सफल भएको हो ।
जितसँगै आर्मीको तीन खेलबाट ६ अंक पुगेको छ । आर्मीसँगको हारसँगै साविक विजेता गण्डकी प्रदेश प्रतियोगिताबाट बाहिरिएको छ । एक खेल बाँकी रहेको गण्डकीको ३ खेलबाट ३ अंक नै छ ।
अर्काे खेलमा टिप टप हेल्प नेपाल स्पोर्ट्स क्लबले विभागीय नेपाल एपिएफ क्लबलाई ३–१ को सेटमा पराजित गर्दै फाइनल पुग्ने सम्भावना बलियो बनायो । पहिलो सेट २३–२५ ले गुमाएको हेल्प नेपालले त्यसपछिको तीनै सेट २५–२०, २५–१५ र २५–१९ ले आफ्नो पक्षमा पार्न सफल भयो ।
१ माघसम्म हुने प्रतियोगितामा महिला तथा पुरुषतर्फ समान ५–५ टोलीको सहभागिता रहेको छ । महिला र पुरुषतर्फको विजेताले समान ३ लाख, उपविजेता टोलीले १ लाख ५० हजार, तेस्रो हुनेले ७५ हजार र सान्त्वना हुने टोलीले ३५ हजार प्राप्त गर्नेछ । महिला तथा पुरुषतर्फको सर्वाेत्कृष्ट खेलाडीले समान २५ हजार प्राप्त गर्नेछ । हरेक विधाका उत्कृष्ट (स्पाइकर, सेटर, ब्लकर, सर्भर, लिवेरो र प्रशिक्षक) ले समान १०–१० हजार रुपैया हात पार्नेछन् ।
प्रतियोगितामा शुक्रबार लिग चरणका अन्तिम खेल हुनेछ । पुरुषतर्फ आर्मी र पुलिस तथा हेल्प नेपाल र गण्डकीबीच प्रतिस्पर्धा हुनेछ । महिलातर्फ आर्मी र टाइगर, एपिएफ र पुलिसबीच प्रतिस्पर्धा हुनेछ । न्यु डायमन्ड र पुलिसबीच स्थगित खेल पनि भोली हुनेछ ।
April 25, 2024
काठमाडौं (हाम्रो खेलकुद)- भुवन नगरकोटी समग्रमा ७-अन्डर १ सय ९७ सहित ६ स्ट्रोकको अग्रता सहित सूर्य नेपाल काठमाडौं ओपनको तेस्रो दिन शीर्षस्थानमा रहेका छन्। आज भुवनले ५-अन्डर ६३ को उत्कृष्ट प्रदर्शन गर्दा दिनेश प्रजापतिलाई ६ स्ट्रोकले पछि पार्दै एकल अग्रता सहित उपाधि जित्ने संभावनालाई बलियो बनाएका छन्। भुवनले उत्कृष्ट दिनको सुरूवात सानदार गरे। पहिलो, दोस्रो, […]
April 25, 2024
काठमाडौं (हाम्रो खेलकुद) – पुछारमा रहेको कोशी प्रदेशलाई ५ विकेटले सहजै हराउँदै कर्णाली प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपको फाइनलमा पुग्ने संभावनालाई कायमै राखेको छ। लगातारको छैटौं हारमा कोशी अंक विहिन हुँदै प्रतियोगिताबाट बाहिरिएको छ। ९४ रनको सहज विजय लक्ष्य कर्णाली प्रदेशले मात्र ६. ३ बलमा ५ विकेट गुमाउँदै पुरा गर्यो। ओपनर विपिन रावल […]
April 25, 2024
काठमाडौं (हाम्रो खेलकुद )- नेपाल पुलिस क्लबले काठमाडौमा जारी केएनपी नेरोलेक सातौ राष्ट्रिय महिला भलिबल प्रतियोगितामा पहिलो जित दर्ता गरेको छ। त्रिपुरेश्वरस्थित राष्ट्रिय खेलकुद परिषद्को कर्भडहलमा बिहीबारको दोस्रो खेलमा चन्द्रागिरी नगरपालिका न्यु डायमण्ड महिला भलिबल टोलीलाई ३-१ को सेटमा हराउँदै फाइनल पुग्ने सम्भावना जिवित राखेको छ। पुलिस क्लबले न्यु डायमण्डलाई १८–२५,२५–२२, २५–२२ र २५–१८ ले […]