7 months ago
October 1, 2023
सुबास हुमागाईं, हाङ्गचौ
एसियाली खेलकुदको १९ औं संस्करण औपचरिक रुपमा सुरु भएको नवौं दिन आइपुग्दा नेपालले हालसम्म कुनै पदक जित्न सकेको छैन । एकपछि अर्को खेल सकिंदा नेपालले जितकै लागि पनि संघर्ष गर्नुपरेको छ ।
पदक आशा गरिएका परम्परागत स्रोत तेक्वान्दो र बक्सिङ यसपटक पुन: खाली हात फर्कंदा नेपालको पदक सम्भावना पातलिएको हो । तर सोमबारदेखि सुरु हुने कबड्डीमा भने नेपालले पदक जित्ने सम्भावना देखिएको छ ।
सात टोली सहभागी महिला कबड्डीमा साविक विजेता इरानसँगै नेपाल र बंगलादेश एकै समूहमा परेका छन् । समूह बी अन्तर्गत सोमबार विहान नेपालले बंगलादेशको सामना गर्दैछ । उक्त खेल जितेमा नेपाल सेमिफाइनल पुग्ने सम्भावना बलियो हुनेछ ।
समूहमा रहेको अर्को टोली इरान लगातार स्वर्ण जित्ने सुरमा छ र निकै बलियो छ । तर बंगलादेश र नेपाल केही तल्लो स्तरको टोली रहेकाले यी दुईको खेल जित्नेले समूह उपविजेता बन्दै सेमिफाइनल पुग्ने सम्भावना रहेको छ ।
कबड्डीमा सेमिफाइनलमा प्रवेश गरे पदक पक्का हुने समिकरण छ । अन्तिम चारमा पराजित हुने दुवै टोली स्वत: तेस्रो हुने कारण नेपालले बंगलादेशलाई हराए कम्तिमा कास्य पदक पक्का हुने देखिएको हो । तर बंगलादेशलाई हराउन नेपाललाई सहज भने छैन ।
सन् २०१९ मा नेपालमै सम्पन्न १३ औं दक्षिण एसियाली खेलकुदमा नेपालले बंगलादेशलाई ३६-२५ ले हराएको थियो । नेपालले उक्त संस्करणमा फाइनलमा भारतसँग पराजित हुँदै रजत पदक जितेको थियो । तर बंगलादेशको एसियाली खेलकुदमा कबड्डी इतिहास राम्रो छ । महिला टोलीले सन् २०१४ इन्चोन र २०१० ग्वान्झाउमा कास्य जितेको इतिहास छ ।
हालसम्म १९ औं एसियाली खेलकुदमा सहभागी ४५ मध्य ३६ खेलले पदक जितिसकेका छन् । नेपालसहित ९ राष्ट्र पदकविहिन रहेका छन् । नेपालको पुरुष क्रिकेट टोली क्वाटरफाइनलमा पुग्दा आशा गरिएको कराते अझै सुरु भएको छैन । हाललाई भने पदकको आशा कबड्डीमा अडेको छ ।
मेनुका राजवंशीको कप्तानीमा रहेको नेपाली टोलीले एसियाली खेलकुदका लागि चीन आउनुअघि एक महिना भारतमा रहेर प्रशिक्षण गरेको थियो । नेपालमा प्रशिक्षण गर्न स्तरीय स्थान उपलब्ध नहुँदा टोलीको तयारीमा भने असर पुगेको थियो । टोलीको तयारीमा प्रशिक्षकको भूमिकामा पार्वती राई र विष्णु दत्त भट्ट रहेका थिए ।
नेपाली टोली :
मेनुका राजवंशी (कप्तान), अनुजा राई, जयन्ती बडू, गङ्गा घिमिरे, रविना चौधरी, अर्पना चौधरी, सिर्जना कुमारी थारु, कलावती पन्त, इशा राई, सुनिता थापा, नितु गुरुङ, मनमती विष्ट
May 8, 2024
काठमाडौं (हाम्रो खेलकुद)- सहाना प्रधान प्रतिष्ठानको आयोजनामा असारमा प्रथम सहाना प्रधान यु-१९ महिला तथा पुरुष भलिबल च्याम्पियनसिप हुने भएको छ। नेपाल भलिबल संघको प्राविधिक र व्यवस्थापनमा असार ९ गतेदेखि १५ गतेसम्म च्याम्पिनसिप हुने बुधबार पत्रकार सम्मेलनमा जानकारी गराइयो। प्रतियोगितामा ७ प्रदेशका महिला र पुरुषबीच सहभागिता रहने बताइएको छ। भलिबल संघका अध्यक्ष जीतेन्द्रबहादुर चन्दले प्रदेशलाई खेलाडी […]
May 8, 2024
एजेन्सी – युरोपेली च्याम्पियन्स लिगको फाइनल प्रवेशका लागि स्पेनिश टोली रियल म्याड्रिड र जर्मन टोली बायर्न म्युनिख आज भिड्दै छन् । रियलको घरेलु मैदान सान्टियागो बर्नाबेउमा हुने दोस्रो लेग आज राती १२:४५ बजे सुरु हुनेछ । बायर्नको घरेलु मैदानमा भएको पहिलो लेग २-२ को बराबरीमा सकिएको थियो । बायर्नले खेलमा रहेको अग्रता अन्तिम तिर गुमाउन […]
May 8, 2024
हिमाल खरेल,बिर्तामोड स्पष्टीकरणको जवाफ चित्तबुझ्दो नदिएको जनाउँदै कोशी प्रदेशका मुख्यमन्त्री केदार कार्कीले खेलकुद विकास बोर्ड कोशी प्रदेशका सदस्य सचिव कृष्ण बस्नेत (पर्शुराम) लाई सफाइ पेश गर्न अर्को पत्र पठाएका छन् । स्पष्टीकरण सोधेको दोस्रो दिन मुख्यमन्त्री कार्कीले बस्नेतलाई सफाइ पेश गर्न आज दिउँसो ३ बजेसम्मको समय दिएर पत्र लेखेका हुन् । बैशाख २५ गते मंगलबार […]