काठमाडौं (हाम्रो खेलकुद) – राष्ट्रिय युवा अभियानको आयोजनामा काठमाडौंमा सर्वाधिक पुरस्कार राशिको ‘प्रथम राष्ट्रिय पुरुष भलिबल रनिङ शिल्ड’ प्रतियोगिता हुने भएको छ । आयोजकले आइतबार पत्रकार सम्मेलनको आयोजना गर्दै राष्ट्रिय युवा अभियानको स्थापना दिवसको अबसर पारेर काठमाडौंमा प्रतियोगिता आयोजना गर्न लागेको जानकारी गरायो ।
प्रतियोगितामा तीन विभागीय त्रिभुवन आर्मी, नेपाल प्रहरी र नेपाल एपिएफ क्लबसहित पाँच विकास क्षेत्रका पाँच टिमले प्रतियोगितामा सहभागिता जनाउने आयोजकले जानकारी गरायो । फागुन १० देखि १३ गतेसम्म चल्ने प्रतियोगिताको विजेताले नगद तीनलाख ५० हजार, उपविजेताले दुई लाख प्राप्त गर्नेछन् । सेमिफाइनलमा पराजित हुने दुई टिमले समान ५०–५० हजार प्राप्त गर्नेछन् । यस्तै उत्कृयट खेलाडीले २५ हजार तथा अनुशाषित टिम र विभिन्न विधामा उत्कृष्ट हुने खेलाडीले समान १०–१० हजार प्राप्त गर्नेछन् । पोखरामा हुने प्रतियोगिताको दोस्रो संस्करणमा भने महिला भलिबल प्रतियोगिता समावेश हुने आयोजकले जानकारी गरायो ।
