काठमाडौं (हाम्रो खेलकुद) – पर्वतमा अर्को महिना प्रथम दिदि बहिनी कप राष्ट्रिय स्तरको महिला भलिबल प्रतियोगीता हुने भएको छ । नवौं पश्चिमाञ्चल महिला महोत्सव तथा रेडियोका सातौं बार्षिक उत्सवको अवसर पारेर पर्वतको कुश्मास्थित रेडियो दिदि बहिनीले प्रतियोगिता आयोजना गर्न लागेको बुधबार राजधानीमा आयोजित पत्रकार सम्मेलनमा जानकारी दिइयो ।
फागुन २४ गते देखि २८ गते सम्म हुने प्रतियोगितामा तीन विभागिय टोली एपिएफ, नेपाल पुलिस क्लब, आर्मी , न्यू डाइमन्ड, पश्चिमाञ्चल भलिबल संघ र आयोजक टोलीको सहभागिता रहनेछ । प्रतियोगिताको विजेता टोलीले १ लाख , दोस्रो हुने टोलीले ६० हजार र तेस्रो हुने टोलीले ४० रुपैयाँ प्राप्त गर्नेछन् । व्यक्तिगत विधातर्फ स्पाकर,सेटर,डिफेन्स,क्वीकर, ब्लकरले समान ३ हजार र सर्बोत्कृष्ट खेलाडीले १० हजार रुपैया प्राप्त गर्नेछन् ।
