एजेन्सी – दक्षिण अफ्रिका विरुद्ध स्तब्ध हुँदै विश्वकपमा सेमिफाइनल यात्रा तय गरेको मोरक्को आइभोरी कोस्टमा जारि अफ्रिका कप अफ नेसन्सबाट बाहिरिएको छ । मंगलवार राती भएको प्रि-क्वाटरफाइनल खेलमा दक्षिण अफ्रिका विरुद्ध २-० ले पराजित हुँदै मोरक्को प्रतियोगिताबाट बाहिरिएको हो ।

दक्षिण अफ्रिकाले ५७औ मिनेटमा एभिडेन्स माक्गोपाले थेम्बा ज्वानेको पासमा गरेको गोलको मद्दतले आश्चर्यजनक अग्रता लिएको थियो । ८५औ मिनेटमा मोरक्कोले खेलमा बराबरी गर्ने ठुलो अवसर खेरा फाल्यो ।

मोथोभी एमभालाले बक्समा ह्यान्डबल गरेपछि मोरक्कोले पेनाल्टी मार्फत खेलमा बराबरी गर्ने अवसर पाएको थियो । तर अक्राफ हकिमी पेनाल्टीमा चुके । उनको प्रहार क्रसबारमा लागेर बाहिरिन पुग्यो ।

इन्ज्युरी समयको चौथो मिनेटमा मोरक्कोका सोफ्यान अम्राबाट रातो कार्ड खाँदै मैदान बाहिरिए । त्यसको अर्को मिनेटमा दक्षिण अफ्रिकाले दोस्रो गोल गर्दै जित सुनिश्चित गर्यो । तेबोहो मोकोएनाले गोल गर्दै दक्षिण अफ्रिकाको अन्तिम आठमा स्थान सुनिश्चित गरे ।      

दक्षिण अफ्रिकाको जित संगै प्रतियोगिताको सेमिफाइनल समीकरण समेत पुरा भएको छ । दक्षिण अफ्रिकाले सेमिफाइनल प्रवेशका लागि केप भर्डे विरुद्द खेल्ने छ । अन्य क्वाटरफाइनलमा निजेरिया र एंगोला, माली र आइभोरी कोस्ट तथा प्रजातान्त्रिक गणतन्त्र कंगो र गिनी भिड्ने छन् ।