default_image

5 months ago

February 4, 2024

सिमा र टंकलाई दौउखुरी दौडको उपाधि

634 views

0 Bookmark

सुमन अधिकारी,दाङ

दौउखुरी ५ किमी दौडको उपाधि महिलातर्फ नेपाल एपिएफ क्लबकी सिमा चौधरी र पुरुषतर्फ त्रिभुवन आर्मी क्लबका टंक कार्कीले जितेका छन् । लुम्बिनी प्रदेश स्थापना दिवसको अवसरमा आइतबार आयोजित दौडमा झण्डै ३ सय जनाले भाग लिएका थिए ।

सिमाले १९ मिनेट ३९.०४ सेकेन्डमा दौडी पूरा गर्दै उपाधि जितेकी हुने । नेपाल पुलिस कलबकी की सुमित्रा चौधरीले २० मिनेट ०१.०९ सेकेन्डमा दूरा पूरा गर्दै दोस्रो स्थान तथा कमला ओलीले (२० मिनेट २८.०६ सेकेन्ड) तेस्रो स्थान प्राप्त गरिन् । मोतिकला डाँगी चौथो, निर्मला चौधरीले पाँचौ, अरुणिका चौधरी छैटौं, अनिशा चौधरी सातौं, आयुषा गिरी आठौं, प्रियङ्का साउद नवौं र उमा चौधरी दसौ भइन् ।

पुरुषतर्फ १५ मिनेट २७.०६ सेकेन्डमा दौड पूरा गर्दै टंक विजयी बनेका थिए । नागेश्वर अहिरले (१५ मिनेट २९.०९ सेकेन्ड) दोस्रो र मिलन कार्कीले (१५ मिनेट ३३.०९ सेकेन्ड) तेस्रो भए । सन्जय सिंह चौथो, सन्तोष अहिर पाँचौं, मोहनदेव जोशी छैटौं, प्रेम बस्नेत सातौं, सुमन बुढा आठौं, अजय पाण्डे नवौं र विकास बिक दसौं भए ।

प्रतियोगिता प्रदेशसभा भवनबाट सुरु भए प्रतियोगिताको दुबैतर्फका विजेताले २१ हजार, दोस्रोले १७ हजार, तेस्रोले १३ हजार रुपैयाँ प्राप्त गरे । त्यस्तै चौथोले ९ हजार, पाँचौ ५ हजार, छैटौंले ३ हजार रुपैयाँ प्राप्त गरे ।

विजेता खेलाडीलाई लुम्बिनी प्रदेशका मुख्यमन्त्री डिल्लीबहादुर चौधरी, गृहमन्त्री सन्तोष पाण्डेय, प्रदेश सरकारका सचिव राधिका आर्याल तथा प्रदेश खेलकुद परिषद लुम्बिनीका सदस्यसचिव जय प्रकाश भट्टराईले पुरस्कृत गरे ।

लुम्बिनी प्रदेशका मुख्यमन्त्री चौधरीले खेलकुदको विकासका लागि प्रदेश सरकारले नितिगत रुपमा प्राथमकितामा राखेको बताउदै खेलाडीलाई खेलेर बाच्न सकिन्छ भन्ने भावनाको विकास गर्नु पर्नेमा जोड दिए । उनले लुम्बिनी प्रदेशका खेलाडीले राष्ट्रिय मात्र होइन अन्तराष्ट्रिय स्तरमा आफ्नो पहिचान बनाउन सक्नु पर्नेमा जोड दिदै त्यसका लागि प्रदेश सरकारले सक्दो सहयोग गर्ने प्रतिवद्धता जनाए ।

प्रदेश गृहमन्त्री सन्तोष पाण्डेले युवाहरुलाई खेलमा आकर्षित गराउन प्रदेश सरकारले प्रोत्साहानका कामहरु अगाडि बढाएको जनाँदै त्यसमा सबैको सहयोग जरुरी रहेको बताए । लुम्बिनी प्रदेश खेलकुद परिषदका सदस्य सचिव भट्टराईले खेलकुद क्षेत्र वृह्त र राष्ट्रको पहिचान गराउने क्षेत्र भएका कारण त्यसलाई प्रदेशले प्राथमिकतामा राखेको जनाउँदै लुम्बिनीमा खेलको स्तरबृद्धि भएको बताए ।

July 12, 2024

क्रिकेटर आसिफ इलाइट मुभर्सको ब्रान्ड एम्बासडर

काठमाडौं (हाम्रो खेलकुद)- नेपाली क्रिकेट टोलीका विकेटकिपर तथा ओपनर ब्याटर आसिफ सेख इलाइट मुभर्स एजुकेसन कन्सल्टेन्सीको ब्राण्ड एम्बासडरमा अनुबन्धित भएका छन्। इलाइटले शुक्रबार पत्रकार सम्मेलन आयोजना गर्दै आसिफसँग आफ्नो सद्भावना दुतको रुपमा सम्झौता गरेको हो । आसिफले इलाइटको ब्रान्ड एम्बासडर बनेकोमा खुसी व्यक्त गरे। उनले खेलाडीको मनोबल बढाउनको लागि इलाइटले चालेको कदम प्रति आभारी रहेको […]

July 12, 2024

एन्डरसनको अन्तिम टेस्टमा इङ्ल्यान्डको जित

एजेन्सी – टेस्ट क्रिकेटमा सर्वाधिक विकेट लिने तेस्रा बलर जेम्स एन्डरसनको बिदाइ खेलका रुपमा रहेको वेस्ट इन्डिज विरुद्धको टेस्ट इङ्ल्यान्डले एक इनिङ १ सय १४ रनको जित निकालेको छ । दोस्रो इनिङमा वेस्ट इण्डिज १ सय ३६ रनमा अल आउट भएपछि इल्यान्डले शुक्रबार फराकिलो जित हासिल गरेको थियो। पहिलो इनिङमा वेस्ट इन्डिजले १ सय २१ […]

July 12, 2024

प्रिन्स पेरिस ओलम्पिकको कठिन समूहमा

काठमाडौं (हाम्रो खेलकुद) – नेपाली ब्याडमिन्टनका उदियमान स्टार प्रिन्स दाहाल पेरिस ओलम्पिक २०२४ मा कठिन समूह मा परेका छन् । ब्याडमिन्टनको जुनियर विश्व वरीयताका पूर्व नम्बर एक भइसकेका प्रिन्स समूह ‘पी’ मा विश्व वरीयताको दोस्रो स्थानका डेनमार्कमा भिक्टर एक्सेलसनसँगै परेका छन् । विश्व ब्याडमिन्टन महासंघ (बिडब्लुएफ) को मुख्यालय मलेसियाको क्वालालम्पुरमा शुक्रबार भएको समुह विभाजनमा प्रिन्सको […]

Success

Thank you for your time.