काठमाडौं (हाम्रो खेलकुद) – आयोजक नेपाल आर्मीले प्रधानसेनापति राष्ट्रिय पुरुष भलिबल प्रतियोगिताको उपाधि रक्षा गरेको छ । ललितपुरको लगनखेलस्थित आर्मी शारीरिक तथा तालिम केन्द्रको कभर्डहलमा शुक्रबार सञ्चालन भएको फाइनलमा आर्मीले अर्को विभागिय टोली नेपाल पुलिस क्लबलाई २५–२३ र २५–२३, २५–१७ ले हराउँदै उपाधि जितेको हो । 

गत बर्ष पहिलो पटक आयोजित प्रतियोगिता पनि आमीले नै जितेको थियो । लिग चरणदेखि फाइनल सम्म एक सेट पनि नगुमाइ हामी च्याम्पियन बनेको हो ।

व्यक्तिगत पुरस्कारमा पनि आर्मीकै खेलाडीको बाहुल्यता रह्यो । आर्मीका मानवहादुर श्रेष्ठ सर्बोत्कृष्ट खेलाडी घोषित भए र उनले बजाज कम्पनीको पल्सर मोटरसाइकल प्राप्त गरे । आर्मीका धन बहादुर भटृ बेष्ट स्पाईकर, कप्तान हरिहजुर थापा बेष्ट ब्लकर, इश्वर थापा मगरले बेस्ट डिफेन्डर घोषित भए । पुलिसका कप्तान इम राना मगर बेस्ट सेटर चुनिए । आर्मीका जगदिश भट्ट उत्कृष्ट प्रशिक्षक चुनिए । विधागत उत्कृष्ट र प्रशिक्षक भटृले समान नगद १० हजार पुरस्कार प्राप्त गरे ।

च्याम्पियन आर्मीले उपाधिसहित .३ लाख, पुलिसले १ लाख ५० हजार र तेस्रो पश्चिमाञ्चल भलिबल संघले ७५ हजार रुपैयाँ प्राप्त गरे । प्राप्त ग¥यो । उपविजेता पुलिसले १ लाख ५० हजार तथा तेस्रो भएको पश्चिमाञ्चल भलिबल संघले ७५ हजार नगद प्राप्त गर्यो ।

प्रधानसेनापति राजेन्द्र क्षेत्री,राष्ट्रिय खेलकुद परिषद(राखेप)का सदस्यसचिव केशवकुमार विष्ट,राखेपका पूर्व सदस्य–सचिव जिवनराम श्रेष्ठ र गोल्छा अर्गनाइजेशनका उपाध्यक्ष अमिताभ अग्रवाल लगायतले पुरस्कृष्त गरे । माघ ९ देखि भएको प्रतियोगितामा तीन विभागीय टोली आर्मी, पुलिस, एपिएफ, पाँच विकास क्षेत्र गरि आठ टोलीको सहभागिता थियो ।

पूर्व खेलाडी विजय र अक्कल सम्मानित
सेनाले राष्ट्रिय भलिबल टोलीका पूर्व खेलाडी विजय विक्रम खड्का र अक्कलबहादुर चन्दलाई लाइफ टाइम एचिभमेन्ट अवार्डबाट सम्मान गरेको छ । नेपाली सेनामा कार्यरत रहदा सन् १९७७ मा चिनमा आयोजना भएको एसियन भलिबल खेलमा खड्का र चन्दले नेपालको प्रतिनिधित्व गरेका थिए । खड्काले नेपाली सेनाका सहायक रथी र चन्दले सेनानीबाट अवकास पाएका थिए । प्रधान सेनापति क्षेत्रीले खड्का र चन्द अवार्डबाट सम्मानीत गरे ।