सुमन अधिकारी, बुटवल

पाल्पाको रामपुरमा जारी प्रथम लुम्बिनी कप राष्ट्रिय महिला भलिबल प्रतियोगिता– २०८० को सेमिफाइनल समिकरण पूरा भएको छ । एपिएफ, कोशी प्रदेश, बागमती प्रदेश र लुम्बिनी प्रदेश प्रतियोगिताको सेमिफाइनलमा पुगेका छन् ।

प्रतियोगितामा मंगलबार पहिलो सेमिफाइनलमा एपिएफ र कोशी तथा दोस्रो सेमिफाइनलमा बागमती प्रदेश र लुम्बिनी प्रदेश भिड्ने भएका छन् ।

सोमबारका भएका छनौट चरणको अन्तिम खेलमा सुदूरपश्चिमलाई मधेशले २१–२५, २५–२०, २९–३१, २५–२२, ६–१५ ले र एपिएफले गण्डकीलाई २५–७, २५–१७, २५–९ ले पराजित गर्यो।

कर्णालीलाई लुम्बिनीले २५–१९, १७–२५, १०–२५, १७–२५ ले‌ र सुदूरपश्चिललाई कोशीले २०–२५, १९–२५, १४–२५ तथा बागमतीले मधेशलाई २५–६, २५–८, २५–१३ ले पराजित गरेका हुन् । आइतबार लगातारको वर्षका कारण कुनै पनि खेल हुन सकेन ।

पाल्पा जिल्ला भलिबल संघको आयोजना, प्रदेश खेलकुद परिषद लुम्बिनी मुख्य प्रबद्र्धन प्रायोजक तथा नेपाल भलिबल महासंघको संयोजनमा शुक्रवारबाट प्रतियोगिता– २०८० सुरु भएको हो ।

फागुन २३ गते हुने प्रतियोगिताको फाइनलमा विजेताले २ लाख ५० , दोस्रो टोलीले १ लाख ५० हजार , तेस्रोले ७५ हजार र चौथो टोलीले ३५ हजार रुपैयाँ प्राप्त गर्नेछन् ।