2 weeks ago
April 27, 2024
काठमाडौँ (हाम्रो खेलकुद) – विभागीय टोली त्रिभुवन आर्मी क्लबलाई हराउँदै चन्द्रागिरी न्यु डायमण्डले सातौं केएनपी नेरोलेक महिला भलिबल प्रतियोगितामा तेस्रो स्थान हासिल गरेको छ । त्रिपुरेश्वर स्थित दशरथ रंगशालाको कभर्ड हलमा भएको खेलमा आर्मीलाई हराउँदै न्यु डायमण्डले तेस्रो स्थान हासिल गर्यो ।
न्यु डायमण्डले ३-१ को सेटमा जित हासिल गरेको हो । पहिलो सेट २४-२६ ले गुमाएपनी न्यु डायमण्डले बाँकी तीन सेट सहजै जित्न सफल भयो ।
दोस्रो सेटमा २५-२० को जित निकालेर खेल १-१ को बराबरीमा ल्याएको न्यु डायमण्डले तेस्रो सेट २५-१५ ले सहजै आफ्नो पोल्टामा पार्यो । चौथो सेट २५-२०ले नै जित्दै न्यु डायमण्डले तेस्रो स्थान हासिल गर्यो ।
न्यु डायमण्डले १ लाख २५ हजार हात पार्ने भएको छ भने आर्मीले ६२ हजार रुपैयाँ प्राप्त गर्नेछ ।
प्रतियोगिताको उपाधिका लागि आज नै दुई विभागिय टोली नेपाल एपिएफ क्लब र नेपाल पुलिस क्लब एकअर्काको सामना गर्दैछन् ।
त्रिपुरेश्वरस्थित राष्ट्रिय खेलकुद परिषदको कभर्डहलमा जारी प्रतियोगितामा शनिबार दिउँसो २ः०० बजे एपिएफले पुलिसको सामना गर्नेछ ।
लिग चरणको तेस्रो तथा अन्तिम खेलमा न्यु डायमण्डलाई ३–२ को सेटले हराउँदै एपिएफ फाइनल पुगेको थियो । गत वर्ष न्यु डायमण्ड र एपिएफबीच फाइनल भएको थियो ।
प्रतियोगिताको पहिलो दिन लिग चरणको खेलमा एपिएफले पुलिसलाई ३–१ ले हराएको थियो । सोही दिनको पहिलो खेलमा त्रिभुवन आर्मी क्लबलाई ३–१ ले हराउँदै न्यु डायमण्डले जितबाट यात्रा सुरु गरेको थियो ।
एपिएफसँग पहिलो खेल गुमाएपनि त्यसपछि न्यु डायमण्ड र आर्मीलाई हराउँदै पुलिस अन्तिम दुईमा पुगेको थियो ।
प्रतियोगिताको विजेताले ४ लाख ९९ हजार र दोश्रो टोलीले २ लाख ५० हजार रुपैयाँ पाउनेछन् । प्रतियोगिताको सर्वोत्कृष्ट खेलाडीले ५० हजार रुपैयाँ प्राप्त गर्नेछिन् । विधागततर्फ उत्कृष्ट हुनेलाई २५ हजार रुपैयाँ प्राप्त गर्नेछन् ।
May 9, 2024
काठमाडौं (हाम्रो खेलकुद) – एन्फा कम्प्लेक्स, सातदोबाटोमा जारी सहिद स्मारक सो डिभिजन लिगमा बिहीबार सम्पन्न खेलमा समाज कल्याण खेलकुद सेन्टर विजयी भएको छ । समाज कल्याणले गोलबजार स्पोर्ट्स क्लब माथि २-१ को जित दर्ता गरेको हो । समाज कल्याणको जितमा रोशन छेत्रीले दुई गोल गरे । गोलबजारका लागि ओम प्रकाश सिंहले एक गोल गरेका थिए […]
May 9, 2024
सुमन अधिकारी,बुटवल न्यु होराइजन बोर्डिङ स्कुलले जेट नेपाल यु १४ टि ट्वान्टी क्रिकेट च्याम्पियनसिपको उपाधि जितेको छ । बुटवल उपमहानगरपालिकाको सहयोग तथा वेष्ट्रन क्रिकेट क्लबको आयोजनामा रुपन्देहीमा भएको प्रतियोगिताको फाइनलमा पूर्व राष्ट्रिय खेलाडी शक्ति गौचनले प्रशिक्षण गरेको न्यु होराइजनले बुद्ध पब्लिक स्कुल, देवदहलाई ३ विकेटले हराउँदै उपाधि जितेको हो । जितका लागि ७९ रनको लक्ष्य […]
May 9, 2024
काठमाडौं (हाम्रो खेलकुद)– नेपाल बास्केटबल संघले बोर्डर सिङफु भिलेज स्पोर्ट्स कार्निभलअन्तर्गत पुरुष थ्री बाइ थ्री बास्केटबलको उपाधि विजेता नेपाली पुरुष टोलीलाई बिहीबार नगदसहित सम्मान गरेको छ । चीनको युनानमा बैशाख १२ देखि १८ गतेसम्म भएको प्रतियोगितामा सहभागी ४ खेलाडी र १ प्रशिक्षकसहित ५ जना सम्मानित भएका हुन् । सम्मानित हने खेलाडीमा विजय बुर्जा (कप्तान), निकेश […]