default_image

7 years ago

February 10, 2017

कीर्तिमानसहित शिवरामलाई सूर्य नेपाल वेस्टर्न ओपन गल्फ उपाधि , खेल जीवनमा ३३ औं सफलता  

पोखरा (हाम्रो खेलकुद)– कीर्तिमानी प्रदर्शनसँगै व्यवसायिक नम्बर एक गल्फर शिवराम श्रेष्ठले सूर्य नेपाल वेस्टर्न ओपन गल्फ प्रतियोगिताको उपाधि जितेका छन् । पार ७० को हिमालयन गल्फ कोर्समा उनले कर्तिमानी ९ अन्डर २ सय १ स्कोर खेल्दै शिवरामले सिजनको लगातार तेस्रो उपाधि जितेका हुन् । अन्तिम दिन शुक्रबार शिवरामले ६ अन्डर ६४ खेल्दै हिमालयन गल्फ कोर्समा […]

44 views

0 Bookmark

पोखरा (हाम्रो खेलकुद)– कीर्तिमानी प्रदर्शनसँगै व्यवसायिक नम्बर एक गल्फर शिवराम श्रेष्ठले सूर्य नेपाल वेस्टर्न ओपन गल्फ प्रतियोगिताको उपाधि जितेका छन् । पार ७० को हिमालयन गल्फ कोर्समा उनले कर्तिमानी ९ अन्डर २ सय १ स्कोर खेल्दै शिवरामले सिजनको लगातार तेस्रो उपाधि जितेका हुन् ।

shiva-ram-shrestha

शिवराम श्रेष्ठलाई उपाधि हस्तान्तरण गर्दै सूर्य नेपाल प्रालिका मार्केटिङ म्यानेजर बालाकिशन गुरुङ (दायाँ) ।

अन्तिम दिन शुक्रबार शिवरामले ६ अन्डर ६४ खेल्दै हिमालयन गल्फ कोर्समा कीर्तिमान बनाएका हुन् । ५४ होलमा कुनैपनि गल्फरले बनाएको यो हालसम्मकै उच्च स्कोर हो । अन्तिम दिन शिवराले फ्रन्ट नाइनमा इभन पार ३५ खेले । ब्याक नाइनमा उनले ६ अन्डर २९ को स्कोर बनाए । १८ होलमा ६ अन्डर पारको पनि यो हिमालयन गल्फ कोर्समा कीर्तिमानी स्कोर हो । यसअघि धनबहादुरको नाममा ५ अन्डरको प्रदर्शन थियो ।

सूर्य नेपाल गल्फ टुर २०१६÷१७ को जारी सिजनमा लगातार तेस्रो उपाधि जितेका ३३ बर्षे शिवरामको खेल जीवनको त्यो ३३ औं उपाधि हो । उपाधिसहित शिवरामले एक लाख १० रुपैयाँ पुरस्कार पाए । यो सिजन उनले सूर्य नेपाल इस्टर्न ओपन र सूर्य नेपाल च्यालेन्ज गल्फको उपाधि जितिसकेका छन् ।

शिवराभन्दा ९ स्ट्रोकले पछि परेका उमेश नगरकोटी दोस्रो भए । अन्तिम दिन २ अन्डर ६८ खेलेका उमेशले समग्रमा इभनपार दुई सय १० कार्ड बनाए । उनले ७० हजार रुपैयाँ प्राप्त गरे । २ ओभर २ सय १२ को स्कोर गरेका धन बहादुर थापा तेस्रो भए । धनले अन्तिम दिन १ ओभर ७१ को प्रदर्शन गरे । उले ५० हजार रुपैयाँ जिते । ६ ओभर २ सय १६ खेलेका दिपक थापामगर र रवि खड्का संयुक्तरुपमा चौथो भए । सञ्जय लामा २ सय १७ स्कोरका साथ छैटौं र २ सय १७ स्कोर गरेका सूर्य प्रसाद शर्मा सातौं भए ।

कमललाई एमेच्योर उपाधि
एमेच्योर तर्फको उपाधि कमल तामाङले जिते । अन्तिम दिन ४ ओभर ७४ खेलेका कमलले तीन दिने प्रतियोगितामा समग्र ११ ओभर २ सय २१ स्कोर खेले । २ सय ३४ खेलेका युवराज भुजेल काउन्ट ब्याकका आधारमा दोस्रो तथा समान स्कोर बनाएका मिथुन राई तेस्रो भए ।

नेपाल प्रोफेसनल गल्फर एसोसिएसन (एनपिजिए) को आयोजना र सूर्य नेपाल प्रा लिको प्रायोजनमा ६ लाख रुपैयाँ पुरस्कार रहेको प्रतियोगितामा फाइनल चरणमा पुगेका २१ प्रो गल्फरले नगद पुरस्कार हात पारे ।

विजेतालाई सूर्य नेपाल प्रालिका मार्केटिङ म्यानेजर बालाकिशन गुरुङ, नेपाल प्रोफेसनल गल्फर एसोसिएसन (एनपिजिए) का अध्यक्ष रविन्द्रमान श्रेष्ठ, नेपाल गल्फ संघका अध्यक्ष मधुकर याक्थुम्बा लगायतले पुरस्कार वितरण गरे । प्रतियोगिता अन्तर्गत शनिबार प्रोएम प्रतिस्पर्धा हुने एनपिजिएले जनाएको छ ।

March 28, 2024

राजस्थानको लगातार दोस्रो जित

एजेन्सी – दिल्ली क्यापिटल्स माथि जित दर्ता गर्दै राजस्थान रोयल्सले १७औं संस्करणको इंडियन प्रिमियर लिग (आईपिएल) मा लगातार दोस्रो जित दर्ता गरेको छ । दिल्लीलाई लगातार दोस्रो हार चखाउने क्रममा राजस्थानले १२ रनको जित दर्ता गरेको हो । १८६ रनको लक्ष्य पछ्याएको दिल्लीले २० ओभरमा ५ विकेट गुमाएर १८५ रन मात्र बनाउन सक्यो । अन्तिम […]

March 28, 2024

सिइसी र धनगढी विजयी

सुमन अधिकारी,बुटवल नेपालका पूर्व अन्तराष्ट्रिय क्रिकेट खेलाडी शक्ति प्रसाद गौचनले बुबाको नामबाट आयोजना रुपन्देहीमा जारी छैंटौं खड्ग प्रसाद गौचन मेमोरियल यु—१९ क्रिकेट प्रतियोगिता–२०८० मा बिहीबार समुह बिका २ खेल सम्पन्न भएका छन् । जसमा पल्सर क्रिकेट एक्सलेन्स सेन्टर (सिइसी) , काठमाण्डौ र धनगढी क्रिकेट क्लब विजयी भएका छन् । पहिलो खेलमा पल्सर सिइसी काठमाण्डौले सेन्टर […]

March 28, 2024

सुष्मा सेमिफाइनलमा

काठमाडौं (हाम्रो खेलकुद)- लुम्बिनी प्रदेशकी सुष्मा तामाङ र कर्णाली प्रदेशकी अस्मिता दुवाल छैटौं वीर गणेशमान सिंह राष्ट्रिय बक्सिङ प्रतियोगितामा सेमिफाइनलमा प्रवेश गरेका छन् । त्रिपुरेश्वरस्थित राष्ट्रिय खेलकुद परिषद्को कभर्डहलमा जारी प्रतियोगितामा बिहिबार महिला ५० केजीमा सुष्माले मधेश प्रदेशकी मनीषा राई तथा अस्मिताले एपीएफकी सन्जुमाया थिङलाई पराजित गर्दै अन्तिम चारको यात्रा तय गरे । महिला ५४ […]

Success

Thank you for your time.