पोखरा (हाम्रो खेलकुद)– एपिएफकी सरस्वती चौधरी र त्रिभुवन आर्मी क्लबका धनबहादुर भट्ट सृजना आमन्त्रण अन्तराष्ट्रिय भलिबल प्रतियोगितामा सर्वोत्कृष्ट खेलाडी घोषित भएका छन् । सरस्वतीको टोलीले महिलाको फाइनलमा न्यु डामन्डलाई र पुरुषतर्फ आर्मीले अर्को विभागिय टोली नेपाल पुलिसलाई समान ३–१ सेटले हराउँदै उपाधि जितेका थिए ।

महिलातर्फको विजेता एपिएफका खेलाडी ।

महिला तर्फ न्यू डायमण्डका खेलाडी चार विधामा उत्कृष्टको बाजी मा¥यो । न्यु डायमण्डकी प्रतिभा मालीले उत्कृष्ट स्पाईकर, सलिना श्रेष्ठ उत्कृष्ट डिफेण्डर, ललिता नाथ उत्कृष्ट ब्लकर र कृपा अधिकारी उत्कृष्ट सेटर घोषित भए । एपिएफकी रेश्मा भण्डारी उत्कृष्ट सर्भर घोषित भइन् ।
पुरुषतर्फ आर्मीका शमसेरबहादुर चन्द उत्कृष्ट डिफेन्डर, हरि अधिकारी उत्कृष्ट ब्लकर, पुलिसका इमबहादुर उत्कृष्ट सेटर, आर्मीका मान बहादुर श्रेष्ठ उत्कृष्ट सर्भर र पुलिसका कुल बहादुर थापा उत्कृष्ट स्पाईकर घोषित भए । सर्वोत्कृष्टले नगद १० हजार र उत्कृष्टले नगद ५ हजार प्राप्त गरे ।

विजयी खेलाडीहरुलाई राष्ट्रय खेलकुद परिषदका सदस्य सचिव केशव कुमार बिष्ट लगायतले पुरस्कार वितरण गरेका थिए । सोही अवसरमा भलिबल खेलको विकास र विस्तामा सहयोग पुर्याएको भन्दै पूर्व भलिबल खेलाडी एवं बिदेशमा गएर ब्यबसायिक खेल्ने प्रथम खेलाडी सशस्त्र प्रहरी बलका महानिरीक्षक दूर्ज कुमार राईलाई सम्मान गरिएको थियो ।

पोखरामा भलिबल खेलको विकासमा सदा सहयोग पुर्‍याउनु हुने कास्की जिल्ला एपिएफ गणपती एसएसपी कृष्ण भक्त ब्रम्हचार्यलाई दोसल्ला आढाई राखेप सदस्य सचिव विष्टले सम्मान गरे । त्यस्तै सृजना विकास केन्द्रका अध्यक्ष अर्जून कुमार श्रेष्ठलाई प्रशंसा पत्रद्वारा सम्मा गरिएको थियो । यस्तै प्रतियोगितालाई सफल पार्न सहयोग पुर्याउनेलाई सम्मान पत्र प्रदान गरिएको थियो ।

उपाधिका साथ त्रिभुवन आर्मी टोली ।

उपाधिका साथ एपिएफ टोली ।

राखेपका सदस्य सचिव केशवकुमार विष्टसँग सम्मान ग्रहण गर्दै शसस्त्र प्रहरी बलका महानिरिक्षक दुर्जकुमार राई ।

राखेपका सदस्य सचिव केशवकुमार विष्टसँग ग्रहण गर्दै पश्चिम क्षेत्रिय शसस्त्र प्रहरी बलको मुख्यालय मुक्तिनाथका वाहिनी पति केबी ब्रमचार्य ।