5 months ago
January 29, 2025
काठमाडौं (हाम्रो खेलकुद)- केबी साम नेपाल कबड्डी लिग (एनकेएल) को दोस्रो क्वालिफायरमा आज काठमाण्डौ माभरिक्स र विराटनगर ब्यान्डिट्सबीच प्रतिस्पर्धा हुँदैछ।
फाइनल प्रवेशको लागि दुवै टिमको लागि यो अन्तिम मौका हो। विराटनगर पहिलो क्वालिफायरमा जनकपुर नाइट्ससँग ३४-३२ को झिनो अन्तरमा पराजित भएको थियो। विराटनगर लिग चरणमा कुल २१ अंक बनाएर दोस्रो स्थानमा रहँदै पहिलो क्वालिफायरमा पुगेको थियो।
काठमाडौं तेस्रो स्थानमा रहँदै प्ले अफमा पुगेको थियो। जहाँ इलिमिनेटरमा धनगढी वाइल्ड क्याट्सलाई ५०-४५ को स्कोरमा माथ दिंदै काठमाडौंले दोस्रो क्वालिफायरको यात्रा तय गर्न सफल भएको हो।
लिग चरणको खेलमा विराटनगरले काठमाडौंलाई ४४-४३ को अत्यन्त प्रतिस्पर्धात्मक खेलमा हराएको थियो। यो पटक पुन: जित निकाल्न भने विराटनगरले काठमाडौंका कप्तान घनश्याम रोक्का मगरलाई रोक्नु पर्नेछ।
काठमाडौंको अधिकांश जितमा घनश्याम कै प्रदर्शनमा निर्भर रहेको छ। उनी जारी लिगमा सर्वाधिक १३४ स्कोर गर्न सफल खेलाडी हुन्। लिग चरणको हारको बदला लिने मौका पनि काठमाडौंकाई रहेको छ। आजको खेलको विजेताले उपाधिका लागि अपराजित रहँदै फाइनलमा पुगेको जनकपुर नाइट्ससँग खेल्नेछ।
काठमाडौं र विराटनगरबीचको खेल आज साँझ ६:३० बजे त्रिपुरेश्वरस्थित राष्ट्रिय खेलकुद परिषद्को कभर्ड हलमा हुनेछ।
June 14, 2025
पोखरा (हाम्रो खेलकुद)- नेपाल एपिएफ क्लबकी निरुता ठगुन्ना प्रचण्ड कप राष्ट्रिय महिला भलिबल प्रतियोगिताको सर्वोत्कृष्ट खेलाडी घोषित भएकी छिन् । एपिएफलाई च्याम्पियन बनाउन महत्वपूर्ण योगदान गरेकी निरुताले उपाधिसहित ३० हजार रुपैयाँ प्राप्त गरिन् । विधागत पुरस्कारतर्फ नेपाल पुलिस क्लबकी उषा भण्डारी उत्कृष्ट स्पाईकर, टिप टप न्यु डायमण्ड स्पोर्टस की सुमित्रा रेग्मी उत्कृष्ट ब्लकर, न्यु डायमण्डकी […]
June 14, 2025
काठमाडौं (हाम्रो खेलकुद) – पाँचपोखरी थाङपाल गाउँपालिका र सिन्धुपाल्चोक जिल्ला क्रिकेट संघको संयुक्त आयोजनामा जारी जिल्ला स्तरीय पाँचपोखरी टि२० क्रिकेट प्रतियोगिताको सेमिफाइनल समीकरण पूरा भएको छ । कीर्तिपुरस्थित त्रिवि क्रिकेट मैदानमा समूह ‘ए’ बाट पाँचपोखरी क्रिकेट क्लब र द माइटी साँगाचोक क्लब तथा समूह ‘बी’बाट मेलम्ची नगरपालिका र भोटेचौर स्पोर्टस क्लबले अन्तिम चारको यात्रा तय […]
June 14, 2025
सुशील पन्त क्षेत्री, भरतपुर चितवनमा नै पहिलो पटक आर्चरी सेन्टर सञ्चालनमा आएको छ । भरतपुर ११ विशालचोकमा आज चितवन आर्चरी सञ्चालनमा आएको हो । आर्चरी सेन्टरको चितवन जिल्ला खेलकुद विकास समितिका अध्यक्ष राजन कार्कीले उद्घाटन गरे । कार्कीले ७० हजार वर्ष पुरानो इतिहास बोकेको आर्चरी चितवनमा भित्रिनु सुखद भएको उल्लेख आर्चरी मानव विकासको इतिहाससँग जोडिएको […]
