काठमाडौं (हाम्रो खेलकुद)- आठौं केएनपी नेरोल्याक राष्ट्रिय महिला भलिबल प्रतियोगीताको उद्घाटन समारोहमा नेपाली राष्ट्रिय भलिबल टोलीकी खेलाडी उषा भण्डारी स्पेशल अवार्डबाट सम्मान गरिएको छ।

राष्ट्रिय खेलकुद परिषदका सदस्य सचिव टंकलाल घिसिङबाट उषाको तर्फबाट आमा र बुवाले सम्मान ग्रहण गरे। सम्मान सहित ५० हजार रुपैयाँ प्रदान गरिएको छ। उषा अहिले हङकङमा रहेकी छिन्।

सन् २०१९ मा राष्ट्रिय टोलीबाट डेब्यू गरेकी उषा अहिले राष्ट्रिय टोलीकी महत्वपूर्ण सदस्य हुन्। उनले नेपाल प्रहरीबाट घरेलु भलिबल खेल्ने गरेकी छिन्।

यो अवार्डबाट यसअघि रेश्मा भण्डारी, निरुता ठगुन्ना, सलिना श्रेष्ठ, समिक्षा घिमिरे, पुनम चन्द र अरूणा शाही यो अवार्डबाट सम्मानित भैसकेका छन्।

उद्घाटन समारोहमा नै नेपाली राष्ट्रिय महिला भलिबल टोलीका प्रशिक्षक जगदीश भट्टलाई पनि सम्मान गरिएको छ। उनलाई पनि २५ हजार रुपैयाँ र सम्मान पत्र सहित सम्मान गरिएको हो। प्रशिक्षक भट्टले पछिल्लो समय नेपाली महिला टोलीले दिलाएको सफलतामा प्रशिक्षक भट्टको भुमिकाको कदर गर्दै सम्मान गरिएको हो।

शेर बहादुर खड्का स्मृति प्रतिष्ठानको आयोजनामस आज सुरु भएको प्रतियोगितामा कुल ५ टोलीको सहभागिता रहेको छ।

समुह ‘ए’ मा त्रिभुवन आर्मी क्लब, एपिएफ र एभरेष्ट भलिबल क्लब छन्। समुह ‘बी’ मा टिपटप न्यु डायमण्ड युथ क्लब र नेपाल पुलिस क्लब छन्।