काठमाडौँ (हाम्रो खेलकुद) – एभरेष्ट महिला भलिबल लिग टोली ललितपुर क्विन्सलाई आईएमई जनरल इन्स्युरेन्स लिमिटेड (आइजिआई) ले प्रायोजन गरेको छ।

काठमाडौँ स्थित आइजिआईको प्रधान कार्यालयमा ललितपुर क्विन्सका अध्यक्ष रमेश पराजुली र आइजिआईका प्रमुख कार्यकारी अधिकृत (सिइओ) युगेश भक्त बादे श्रेष्ठले सम्झौता पत्रमा हस्ताक्षर गरे।

सम्झौता अनुसार ललितपुरले आफ्नो म्याच जर्सीमा आईजीआईको लोगो समावेश गर्ने छ र आईजीआईको प्रचार प्रसारमा सहयोग गर्ने छ ।

ललितपुर क्विन्सलाई साथ दिन पाउँदा आइजिआई खुसी रहेको साथै प्रतियोगितामा ललितपुरको उच्च प्रदर्शन रहनेमा आफूहरू विश्वस्त रहेको सिइओ श्रेष्ठले बताए ।

ललितपुर क्विन्सलाई विश्वास गरि साथ दिनु भएकोमा क्लबका अध्यक्ष पराजुलीले सम्पूर्ण आइजिआई परिवारलाई धन्यवाद व्यक्त गर्दै टोलीको प्रदर्शन यो संस्करण पनि उत्कृष्ट रहने प्रतिबद्धता जनाए ।

यसपटक पनि क्विन्स उत्सव खड्काको नेतृत्वमा ललितपुर क्विन्सको टोली कोर्टमा उत्रनेछ ।
टोलीको मार्की खेलाडी तथा कप्तान सलिना श्रेष्ठ हुन् ।

ललितपुरले अक्सन बाट संगम महतो, लक्ष्मी चन्द, सुनिता राइ, सलिना बूढा मगर, निशा चौधरी, सृष्टि खड्गी र भावना डाँगीलाई टोलीमा समावेस गरेको थियो ।

ललितपुरले आफ्नो गुडविल एम्बासडरमा  दक्षिण एसियाली खेलकुदको ३ वटा स्वर्ण पदक विजेता आयशा शाक्यलाई नियुक्त गरेको छ । एभरेष्ट महिला भलिबल लिग भदौ २० देखि २८ सम्म पोखरामा हुनेछ ।