7 years ago
March 23, 2017
काठमाडौँ (हाम्रो खेलकुद) – नेपाल एमेच्योर ओपन गल्फ प्रतियोगिता अन्तर्गत अन्तिम दिनको खेल टासी छिरिङले शुक्र बहादुर राईलाई प्लेअफमा हराउँदै उपाधि जितेका छन्। पार ७२ गोकर्ण गल्फ क्लबमा बिहिबार भएको अन्तिम दिनको खेलमा टाशी र शुक्र समग्रमा ३ ओभर २१९मा बराबर भएपछि प्लेअफ खेल्नु परेको थियो। नियमित खेलको अन्तिम होलमा शुक्रले ८ फिट दुरीबाट बर्डी […]
काठमाडौँ (हाम्रो खेलकुद) – नेपाल एमेच्योर ओपन गल्फ प्रतियोगिता अन्तर्गत अन्तिम दिनको खेल टासी छिरिङले शुक्र बहादुर राईलाई प्लेअफमा हराउँदै उपाधि जितेका छन्।
पार ७२ गोकर्ण गल्फ क्लबमा बिहिबार भएको अन्तिम दिनको खेलमा टाशी र शुक्र समग्रमा ३ ओभर २१९मा बराबर भएपछि प्लेअफ खेल्नु परेको थियो। नियमित खेलको अन्तिम होलमा शुक्रले ८ फिट दुरीबाट बर्डी हान्नबाट चुकेपछि खेल प्लेअफमा पुगेको थियो। तर पहिलो एक्स्ट्रा होलमै टासीले शुक्रलाई पराजित गरेका थिए। अन्तिम दिनको खेलमा टासीले १ अन्डर ७१ बनाए भने शुक्रले १ ओभर ७३ जोडेका थिए। समग्रमा ४ ओभर २२० जोडेका वाङचेन धन्दुप चौथो स्थानमा रहे।
प्लेअफको पहिलो एक्स्ट्रा होलमै टाशीले शुक्रलाई पराजित गरेका थिए टासीले बर्डी प्रहार गर्दै उपाधि आफ्नो पोल्टामा पारेका थिए भने शुक्र ग्रीन बाहिरबाट सट प्रहार गर्दा चुकेका थिए। सातौं संस्करणसम्म आइपुग्दा टासी यस प्रतियोगिताको उपाधि जित्ने पहिलो नेपाली गल्फर बनेका छन्।
अन्तिम दिनको खेलमा टासीले १ अन्डर ७१ बनाए भने शुक्रले १ ओभर ७३ जोडेका थिए समग्रमा ४ ओभर २२० जोडेका वाङचेन धन्दुप चौथो स्थानमा रहे।
दिनको खेलमा टंक बहादुर कार्कीले उत्कृष्ट प्रदर्शन गर्दै ३ अन्डर ६९को स्कोर बनाए र समग्रमा ७ ओभर २२३ बनाउँदै चौथो स्थानमा रहे। अघिल्लो दिनका लिडर शिव कुमार माझीका लागि भने अन्तिम दिन विर्सनलायक रह्यो उनले ८ ओभर ८० बनाउदै पाँचौ स्थानमा चित्त बुझाए।
१६ वर्षभन्दा मुनिको उमेर समूहको प्रतियोगितामा भने तेन्जिङ छिरिङले २२८ अंक जोड्दै उपाधि जिते। तेन्जिङ एमेच्योर विजेता टासी छिरिङका छोरा हुन्। दोश्रो स्थानमा रहेका सुबाश घिसिङले २४९ बनाए। ५० वर्ष भन्दा माथि उमेर समुहको उपाधि भने रबिन्द्र राज पाण्डेको नाममा रह्यो। उनले १८ अंक जोडेका थिए।
यसअघी बुधबार भएको दोश्रो दिनको खेलमा नेपाल ‘बि’ टोलीले टिम इभेन्टको उपाधि जितेको थियो। सन् २००४मा टासी घले र सीवी भण्डारीले उपाधि जितेयता नेपाली टोलीले उपाधि जितेको यो दोश्रो पटक हो।
पहिलो दिनमा १४६ स्कोर जोडेको नेपाल ‘बि’ले दोश्रो दिनमा १४५को स्कोर बनाएपछि जित सम्भव भएको थियो। शिव कुमार माझीले पहिलो दिन ७२ र दोश्रो दिन ७३ अंक जोडेका थिए भने मंगलबार २ ओभर ७४ अंक बनाएका शुक्र बहादुर राईले बुधबार इभन पार ७२ जोडेका थिए।
दोश्रो स्थानमा बंगलादेशका मोहम्मद शाह आलम र मोहम्मद सोमरात सिक्दार रहे भने तेश्रो स्थान ‘ए’ को प्रतिनिधित्व गरिरहेका टंक बहादुर कार्की र तेन्जिङ छिरिङको जोडी रह्यो।
नेपाल गल्फ एसोसिएसनका अध्यक्ष मधुकर याक्थुम्बा, सल्लाहकार प्यार जंग थापा, उपाध्यक्ष प्रचण्ड बहादुर श्रेष्ठ, महासचिव टासी घले लगायतले पुरस्कार वितरण गरेका थिए। ४८ खेलाडीले भाग लिएको प्रतियोगितामा बंगलादेश, भुटान र नेपालका खेलाडीहरुको सहभागिता रहेको थियो। अन्तिम चरणमा ३० खेलाडी छानिएका थिए।
April 19, 2024
एजेन्सी –आशुतोष शर्माको सानदार ब्याटिङका बाबजुद पञ्जाब किंग्स मुम्बई इण्डियन्ससँग बिहीबार इण्डियन प्रिमियर लिग (आइपिएल) मा नाटकीय शैलीमा ९ रनले पराजित भएको छ । पञ्जाबको लागि आठौं क्रमका ब्याटर आशुतोष शर्माले ६१ रन बनाएपनि जितको लागि प्रयाप्त भएन । मुम्बइको जितमा सूर्य कुमारले अर्धशतकीय पारी खेले । मुम्बईका जसप्रित बुमराह र जेराल्ड कोएट्जेको बलिङ महत्वपुर्ण […]
April 18, 2024
काठमाडौं (हाम्रो खेलकुद)– सुदूरपश्चिम प्रदेशले पहिलो पटक केन्द्रीयस्तरीय राष्ट्रपति रनिङ सिल्डमा बिहीबार टिम च्याम्पियन बनेको छ । १४ औं संस्करणमा १९ स्वर्ण, १२ रजत र १८ कांस्य पदकका साथ सुदूरपश्चिम च्याम्पियन बनेको हो । बागमती प्रदेश १७ स्वर्ण, १३ रजत र १५ कांस्य पदकका साथ दोश्रो भयो । तेश्रो स्थानको कर्णाली प्रदेशले १० स्वर्ण, ५ […]
April 18, 2024
काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]