काठमाडौँ (हाम्रो खेलकुद) – रोयल नेपाल गल्फ क्लबमा जारी सुर्य नेपाल काठमाडौँ ओपन अन्तिम चरणमा प्रवेश गर्दा रामे मगर ६ स्ट्रोकले शीर्षस्थानमा रहेका छन्।
बिहिबारको खेलमा १ अन्डर ६७को स्कोर बनाएका मगरले ५४ होलमा ५ अन्डर १९९को स्कोर बनाएका छन्। सुर्य नेपाल गल्फ टुरको पाँचौ इभेन्टका रुपमा रहेको काठमाडौँ ओपनमा २९ व्यावसायिक र ११ एमेच्योर गल्फरले भाग लिएका छन्।
दोश्रो स्थानमा रहेका शिवराम श्रेष्ठले २ अन्डर ६६को स्कोर बनाए भने भुवन नगरकोटीले १ अन्डर ६७ खेले। दुवैको समग्रमा १ ओभर २०५ अंक रहेको छ।
सुर्य प्रसाद शर्माले बिहिबार ४ ओभर ७२ बनाउदै समग्रमा २ ओभर २०६ सहित चौथो स्थानमा रहे। संजय लामा, धन बहादुर थापा र भुवन कुमार रोक्का सम ३ ओभर २०७ जोड्दै पाँचौ स्थानमा रहेका छन्।
रु. ५ लाख बजेट रहेको प्रतियोगिताको विजेताले रु. ८५ हजार जित्नेछ भने उपविजेताले री.५८ हजार पाउनेछ। तेश्रो स्थानलाइ रु. ४५,००० निर्धारण गरिएको प्रतियोगिताको बाँकी २१ स्थानमा रहनेले पनि पुरस्कार जित्नेछन।
