काठमाडौँ (हाम्रो खेलकुद) – दोस्रो पेप्सी ओपन गल्फ प्रातियोगिताको उपाधि कर्नेल विष्णु कार्कीले जितेका छन। रोयल नेपाल गल्फ क्लबमा आज स्टेबलफोर्ड थ्री बाइ फोर फर्म्याटमा खेलाइएको प्रतिस्पर्धामा ३९ अंकका साथ कार्कीले उपाधि आफ्नो नाममा लेखाए ।
यसैगरी ३८ अंक जोडेका मुक्ति सेन गुरुङ दोस्रो भए। महिलातर्फ उपाधि ३१ अंक जोड्दै रेखा घिमिरेले जितिन्। सिनियरतर्फ ३५ अंक जोडेका मदन राणा उपाधि जित्न सफल रहे । सुपर सिनियरमा मणि प्रसाद राईले उपाधि जिते ।
प्रातियोगिताको जूनियरतर्फ १७ अंक जोडेका मास्टर अर्नभ शाह पहिलो भए। मुक्ति सेन गुरुङले मोस्ट बर्डिज, फुनत्सोक एन लामाले लोङेस्ट ड्राइभ र ह्रिदेस् कुमार सिंहlले क्लोजेस्ट टु द पिनको उपाधि जिते।
बरूण बेबरेजद्वारा प्रायोजित प्रातियोगितामा ७९ जना खेलाडिको सहभागिता रहेको थियो। ११ महिला र ४ जुनियर सहभागी रहेको प्रतियोगिता बिहान र दिउसो गरेर २ चरणमा खेलाइएको थियो।
