काठमाडौं (हाम्रो खेलकुद) – नेपाली महिला बक्सिङ खेलाडीले एसियन बक्सिङ च्याम्पियनसिपको अन्तिम तयारी थाइल्यान्डमा गर्ने भएका छन् । एसियन महिला बक्सिङ च्याम्पियनसिप भियतनामको होचिमिङमा नोभेम्वर २ देखि ८ तारिखसम्म आयोजना हुँदैछ ।
त्यसको तयारीका लागि ४ खेलाडीसहित ८ सदस्यीय टोली बिहीबार थाइल्यान्ड प्रस्थान गरेको छ । टोलीले थाइल्यान्डमा १२ दिने प्रशिक्षण गरी त्यहिबाट आयोजनास्थल पुग्ने बताइएको छ । च्याम्पियनसिपमा नेपालका ललिता महर्जनले ४८ केजी तौल समूहमा विमला श्रेष्ठले ५४ केजी, संगीता सुनारले ६० र पुनम रावलले ६४ केजी तौल समूहमा प्रतिस्पर्धा गर्ने छन् ।
नेपाली टोलीको प्रशिक्षकमा प्रकाश थापामगर र सहायक प्रशिक्षकमा दीपक महर्जन रहेका छन् । यसैगरी टिम व्यवस्थापकमा नेपाल बक्सिङ संघका उपाध्यक्ष किरण श्रेष्ठ र कोषाध्यक्ष गौतम सुजखु रहेका छन् । थाइल्यान्ड जाने नेपाली टोलीलाई नेपाल बक्सिङ संघका अध्यक्ष राम अवालेले बिहीबार बिदाई गरे ।
