गुहावटी माघ २७
बाहौ दक्षिण एशियाली खेलकुदमा उशुतर्फ रजत पदक बिजेता झरना गुरुंगले उशु खेलबाट सन्यास लिएको बताएकी छिन् ।
१२ औं दक्षिण एशियाली खेलकुद आफ्नो अन्तिम खेल भएको जनाउदै अब आफु खेलाडीका रुपमा उशु को एरीनामा नउत्रने बताएकी हुन् । उनले आफु खेलाडीका रुपमा नभए पनि प्रशिक्षक लगायत अन्य क्षेत्र मार्फत उशुमा भने सदैब लागीरहने बताईन् । झरनाले आफुलाई खेलाडीका रुपमा यो स्थान सम्म ल्याउने सबैलाई आभार समेत प्रकट गरीन् ।
झरना गुरुङ कास्की पोखराकी स्थायी बासिन्दा हुन् । २८ बर्षिय झरनाले ७ बर्ष अघि देखि उसु खेल्न सुरु गरेकी हुन् । दक्षिण एशियाली खेलकुदमा रजतपदक नै उनको सबै भन्दा ठुलो अन्तर्राष्ट्रिय पदक हो । यसअघि उनले ढाकामा सम्पन्न ११औं सागमा कास्य, आठौ अन्तर्राष्ट्रिय उशु च्याम्पियनसिप भियतनाममा कास्य र फस्ट एशियन मार्सल आर्टसमा समेत काश्य पदक जितेकी थिईन् ।
