सिड्नी, फागुन १२
अष्ट्रेलियाको सिड्नीमा नेपाली महिला भलिबल प्रतियोगिता हुने भएकोे छ ।
नेपाली पोेशाकको ब्यवसायी गर्दै आएकी नेपाली महिला नेन्सी पुनको सक्रियता तथा नेपमार्टको आयोजनामा हुने एक दिने प्रतियोगिता आगमी फेब्रुअरी २८ तारिखमा हुनेछ । प्रतियोगितामा ४ टिमको सहभागिता रहने रेफ्री संयोजक खेम पुर्जाले सिड्नीबाट जानकारी गराएका छन् ।
राउण्ड रबिनका आधारमा सञ्चालन हुने प्रतियोगितामा जलजला परिवार, म्याग्दी सेवा समिति, पोखरा समाज र छन्त्याल परिवार रहेका छन् । सिड्नीको पिसी वाइसी म्यारिकभिल खेल मैदानमा हुने प्रतियोगिताका दुई उत्कृष्ट टिमले उपाधिका लागि प्रतिस्पर्धा गर्नेछन् ।
प्रतियोगिताका विजेताले ८ सय अमेरिकी डलर र उपविजेताले ५ सय प्राप्त गर्ने तथा प्रतियोगिताको उत्कृष्ट खेलाडीले १ सय डलर प्राप्त गर्ने संयोजक पुर्जाले जानकारी गराए ।
