8 years ago
February 29, 2016
काठमाडौं कलाकार रेखा थापा खेलकुदसँग जोडिएकी छिन् । बाँके जिल्ला भलिबल संघले अर्को महिना आयोजना हुने प्रधानमन्त्री कप इन्डो नेपाल महिला भलिबल प्रतियोगिताको रेखालाई सोमबार गुडविल एम्बेसडर बनाएपछि उनी खेलकुदसँग जोडिएकी हुन् । सानोमा खेलाडी बन्ने सपना पुरा नभएपनि अहिले प्रधानमन्त्री कप भलिबलमार्फत खेलक्षेत्रसँग जोडिन पाएकोमा रेखाले खुसी व्यक्त गरिन् । खेलकुदसँग मेरो विषय लगाव […]
काठमाडौं
कलाकार रेखा थापा खेलकुदसँग जोडिएकी छिन् । बाँके जिल्ला भलिबल संघले अर्को महिना आयोजना हुने प्रधानमन्त्री कप इन्डो नेपाल महिला भलिबल प्रतियोगिताको रेखालाई सोमबार गुडविल एम्बेसडर बनाएपछि उनी खेलकुदसँग जोडिएकी हुन् ।
सानोमा खेलाडी बन्ने सपना पुरा नभएपनि अहिले प्रधानमन्त्री कप भलिबलमार्फत खेलक्षेत्रसँग जोडिन पाएकोमा रेखाले खुसी व्यक्त गरिन् । खेलकुदसँग मेरो विषय लगाव छ, यद्दपी म खेलाडी बन्न भने सकिन । म पहिला कराते खेल्थे । तर, त्यो समयमा खेल्न वातावरण अहिलेको जस्तो थिएन , रेखाले कार्यक्रममा भनिन्, अहिले प्रधानमन्त्री कपमार्फत जोडिन पाउँदा खुसी लागेको छ ।
रेखाले १२ औं दक्षिण एसियाली खेलकुद (साग) बाट फर्कदा फुटबल टोलीको मात्र भव्य स्वागत भएकोमा गुनासो गरिन् । उनले भनिन्, महिला र अन्य खेलाडीले पनि सफलता प्राप्त गरेका थिए । तर फुटबलको मात्र भव्य स्वागत भएको देखियो । फुटबलको हुनु राम्रो हो, तर महिला खेलाडीको पनि त्यस्तै स्वागत भएको भए राम्रो हुन्थ्यो ।
नेपाल ओलम्पिक कमिटि (एनओस) का अध्यक्ष जीवनराम श्रेष्ठ र राष्ट्रिय खेलकुद परिषद् (राखेप) सदस्य सचिव केशवकुमार विष्टले संयुक्त रुपमा रेखालाई गुडविल एम्बसडरको चिनारी पत्र हस्तान्तरण गरेका थिए । नेपाल भलिबल संघका अध्यक्ष दानबहादुर तामाङ र संघका सचिव, बाँके जिल्ला भलिबल संघका अध्यक्ष एवंम प्रतियोगिता संयोजक टिएस ठकुरीले रेखालाई सम्मान गरेका थिए । एनओसी अध्यक्ष श्रेष्ठले स्थापित कलाकार रेखाको सहभागिताले प्रधानमन्त्री कपको गरिमा बढाउने बताए ।
राखेप सदस्य सचिव श्रेष्ठले प्रधानमन्त्री कपमा रेखा जस्तो सफल कलाकारको संलग्नता सुनमा सुगन्ध भएको विचार राखे । भलिबल संघका अध्यक्ष तामाङले खेलकुदको प्रचारका लागि कलाकारको सहयोग महत्वपूर्ण हुने उल्लेख गरे । भारतमा अहिले कब्बडी लोकप्रिय हुनुमा कलाकारको भूमिका महत्व्पूर्ण देखिन्छ, उनले भने, हाम्रो देशमा पनि त्यस्तो अभ्यास गर्न सके खेलकुद क्षेत्रको प्रचारमा मद्दत पुग्नेछ ।
संयोजक टि.एस ठकुरीले सामाजिक सद्भाव र भलिबलको विकास गर्ने उद्देश्यले आयोजना गरिने प्रधानमन्त्री कपको गुडविल एम्बसडर बन्न रेखाले सहज स्वीकार गरेकामा भलिबल र बाँकेवासीकातर्फबाट धन्यवाद दिए । उनले प्रधानमन्त्री कपको मिति केही दिनपछि सार्वजनिक गरिने बताए । भारतका २ र नेपालका ६ गरि ८ टोलीले प्रतियोगितामा भाग लिनेछन् ।
April 25, 2024
काठमाडौं (हाम्रो खेलकुद) – सातौं केएनपी नेरोलेक महिला भलिबल प्रतियोगिताको दोस्रो दिन बुधबार पनि दुई खेल हुँदैछन् ।त्रिपुरेश्वरस्थित राष्ट्रिय खेलकुद परिषद्को कभर्ड हलमा दिउँसो १ः०० बजे सुरु हुने खेलमा दुई विभागिय टोली साविक उपविजेता नेपाल एपिएफ क्लब र त्रिभुवन आर्मी क्लबबीच हुनेछ । एपिएफल लगातार दोस्रो खेल जित्ने योजनामा हुनेछ भने आर्मी फाइनल प्रवेशको सम्भावनालाई […]
April 25, 2024
काठमाडौं (हाम्रो खेलकुद) – आइसीसी टि२० विश्वकपको तयारीका लागि वेस्ट इन्डिज ए विरुद्ध खेल्ने सिरिजका लागि नेपालले १६ सदस्यीय टोली घोषणा गरेको छ । एसीसी प्रिमियर कपका लागि ओमान पुगेको टोलीमा ब्याटर आरिफ शेखलाई समेट्दै १६ सदस्यीय टोली घोषणा गरिएको हो । युवा बलर आकाश चन्द पनि वेस्ट इन्डिज ए सिरिजमा छन् । उनी ओमानमा […]
April 25, 2024
सुर्खेत (हाम्रो खेलकुद) – महिला लिग छनोटमा कर्णाली प्रदेशले बुधबार बागमती प्रदेशलाई ३–२ ले पराजित गरेको छ । छनोटमा घरेलु टोली कर्णालीको तेस्रो खेलमा यो दोस्रो जित हो । बागमतीले भने अंकको खाता खोल्न सकेको छैन । सर्खेतस्थित कर्णाली प्रदेश रंगशालामा भएको खेलको ४१ औं मिनेटमा सुनकला राईले गोल गर्दै कर्णालीलाई अग्रता दिलाइन् । तर […]