काठमाडौं, चैत १६ ‘सशस्त्र प्रहरी महानिरीक्षक तेस्रो राष्ट्रिय खुल्ला महिला भलिबल प्रतियोगिता–२०७२’ को मंगलबार भएको खेलमा नेपाल एपीएफ क्लब र पश्चिमाञ्चल क्षेत्रीय भलिबल संघ बिजयी भएको छ ।
मंगलबार भएको खेलमा नेपाल एपिएफले ढोरपाटन स्पोर्टस टे«निङ सेन्टरलाई ३–० को सोझो सेटमा पराजित ग¥यो । एपिएफको यो लगातार दोस्रो जित हो । यसअघि एपिएफले सोमबार पश्चिमाञ्चललाई पराजित गरेको थियो । पहिलो सेट २५–११ ले जितेको एपिएफले दोस्रो सेट २५–०४ ले तथा अन्तिमा सेट २५–९ ले जित्यो ।
यसैगरी मंगलबार भएको अर्को खेलमा पश्चिमाञ्चल क्षेत्रीय भलिबल संघले जावलाखेल भलिबल प्रशिक्षण केन्द्रलाई ३–० को सोझो सेटमा पराजित ग¥यो । पश्चिमाञ्चलको यो पहिलो जित हो । २५–०६, २५–०७ र २५–१३ ले पराजित गरेको हो ।
सशस्त्र प्रहरी बल केन्द्रीय खेलकुद समितिको आयोजनामा जारी प्रतियोगितामा नेपाल एपीएफ क्लबसहित नेपाल पुलिस क्लब, ढोरपाटन स्पोर्टस टे«निङ सेन्टर, पश्चिमाञ्चल क्षेत्रीय भलिबल संघ र जावलाखेल भलिबल प्रशिक्षण केन्द्रको टिम गरी कूल पाँच टिमको सहभागिता रहेको छ । प्रतियोगिता १९ गतेसम्म चल्नेछ ।
