काठमाडौं (हाम्रो खेलकुद) – तेस्रो संस्करणको दिदीबहिनी कप राष्ट्रिय महिला भलिबल प्रतियोगिता माघ अन्तिम सातादेखि हुने भएको छ ।

आयोजक रेडियो दिदीबहिनी एफएम ९५.२ मेघाहर्जले बुधबार राजधानीमा पत्रकार सम्मेलनको आयोजना गर्दै प्रतियोगिताको तेस्रो संस्करण माघ २८ गतेबाट फागुन १ गतेसम्म आयोजना हुने जानकारी गराएको हो ।
प्रतियोगिता ११औं गण्डकी प्रदेश स्तरीय महिला महोत्सव तथा रेडियोको नवौं बार्षिकोत्सवका अवसरमा हुन लागेको हो । महोत्सव माघ २५ देखि फागुन ५ गते सम्म चल्नेछ । महोत्सव दौरान भलिबलसँगै खुल्ला दौड, डान्स आइडल, ¥याली तथा झाँकी, रत्यौली र भजन प्रतियोगितासमेत आयोजना हुने रेडियो दिदीबहिनी एफएमका अध्यक्ष कल्पना चापागाईंले जानकारी गराए ।
प्रतियोगितमा ६ टोलीको सहभातिा रहनेछ । प्रतियोगितामा तीन विभागिय टोली त्रिभुवन आर्मी क्लब, नेपाल प्रहरी क्लब, नेपाल एपिएफ क्लबसहित न्यू डायमन्ड एकेडेमी, पश्चिमाञ्चलको एक टोली, आयोजक दिदिबहिनी क्लबको सहभागिता लगभग निश्चित छ । यसपटक अन्य २ क्लब पनि थप हुन आयोजकले बताएको छ । सहभागी टोलीलाई दुई समूहमा विभाजन गरि लिग कम नकआउटका आधारमा खेलाइनेछ । समूहका शीर्ष २ टोलीले सेमिफाइनलमा प्रवेश गर्नेछन् । प्रतियोगिताको विजेताले २ लाख रुपैया हात पार्नेछ । दोस्रो हुनले १ लाख र तेस्रो हुने टोलीले ५० हजार रुपैयाँ प्राप्त गर्नेछन् ।
यस्तै प्रतियोगिताको सर्वाेत्कृष्ट खेलाडीले १० हजार रुपैया हात पार्नेछन् । व्यक्तिगत विधातर्फको स्पाइकर, क्वीकर, ब्लकर, सर्भर, सेटर, डिफेन्डर र प्रशिक्षकले जनही ५–५ हजार रुपैया प्राप्त गर्नेछन् । भलिबल प्रतियोगिताका दौरान जन प्रतिनिधि र संचारकर्मी बीच मैत्रीपूर्ण भलिबल खेल पनि आयोजना गरिनेछ ।
यस्तै खुल्ला दौड प्रतियोगिताको विजेताले २५ हजार, दोस्रो हुनेले १५ र तेस्रो हुने खेलाडीले १० हजार रुपैयाँ प्राप्त गर्नेछन् ।
यस्तै प्रथम दिदीबहिनी डान्स आइडलको विजेताले ५० हजार रुपैया प्राप्त गर्नेछ । दोस्रो हुनेले ३० हजार रुपैया तथा तेस्रो हुनेले २० हजार रुपैया हात पार्नेछ ।
¥याली र झाँकी प्रतियोगिताको विजेताले २० हजार, दोस्रोले १५ हजार तथा तेस्रो हुनेले १२ हजार रुपैया हात पार्नेछन् । यस्तै रत्यौलीको विजेताले २५ हजार, दोस्रोले १५ हजार तथा तेस्राले १० हजार रुपैया प्राप्त गर्नेछन् ।
भजन प्रतियोगिताको विजेताले १५ हजार दोस्रो हुनेले १० हजार तथा तेस्रो हुनेले ७ हजार रुपैया हात पार्नेछन् ।