पोखरा (हाम्रो खेलकुद) – साविकको विजेता विभागिय टोली नेपाल एपिएफ दोश्रो सभामुख कप महिला राष्ट्रिय भलिबल प्रतियोगिताको फाइनलमा प्रवेश गरेको छ ।
एपीएफले घरेलु टोली गण्डकी प्रदेशलाई ३–० को सोझो सेटमा पराजित गर्दै लगातार दोस्रो वर्ष उपाधि नजिक पुगेको हो ।
एपीएफले पहिलो सेटमा २५–८ को सहज जित निकालेको थियो । दोस्रो सेटमा २५–१८ को सहज जित निकालेको एपीएफले तेस्रो सेट २५–११ ले सहजै जित्न सफल भयो ।
अब एपीएफले उपाधिका लागि प्रदेश नम्वर ३ र नेपाल पुलिस क्लबबीचको विजेतासँग खेल्नेछ । फाइनल खेल शनिबार हुने छ ।
